Spesialkonsulent/konsulent - Landbrukskontoret

Ørsta kommune har, frå 01.09.2026, ledig stilling som konsulent ved Landbrukskontoret Ørsta Volda. 

Landbrukskontoret for Ørsta og Volda kommunar har kontorplass på Ørsta rådhus.
Ved kontoret er det ca. 5 årsverk fordelt på 6 tilsette. Tenesteleiar er leiar for kontoret.
Ørsta og Volda er store landbrukskommunar med f.t. 330 landbruksføretak som driv aktivt jordbruk. 

Arbeidsoppgåver

• Rettleiing, sakshandsaming og kontroll innan tilskotsordningane i jordbruket
• Rettleiing og sakshandsaming etter lover og forskrifter knytt til landbruksforvaltninga
• Ajourføring av markslag i gardskarta (AR5)
• Andre oppgåver ved kontoret etter avtale

Kvalifikasjonar

• Landbruksfagleg utdanning frå universitet eller høgskulenivå (bachelor).
• Anna relevant utdanning/praksis kan vurderast
• Kjennskap til IKT og kartverktøy
• Kjennskap til offentleg forvaltning
• Relevant arbeidserfaring
• God munnleg og skriftleg framstillingsevne. Kommunen nyttar nynorsk i all skriftleg kommunikasjon
• Krav om førarkort klasse B

Personlege eigenskapar

Vi ynskjer at du er:

• positiv og samarbeidsvillig
• strukturert og evnar å arbeide systematisk
• løysingsorientert
• serviceinnstilt
• fleksibel og trivast med varierte oppgåver

Vi gjer ei heilskapleg vurdering av søkjarane og personlege eigenskapar vert vektlagde. Referansar vert nytta og aktuelle søkjarar kan verte kalla inn til intervju.

Vi tilbyr

• Eit godt arbeidsmiljø i nyoppussa kontorlandskap
• Utfordrande og varierte arbeidsoppgåver
• Gode vilkår for fleksibilitet og fagleg utvikling for å gi ei betre og meir effektiv teneste
• Gode forsikrings og pensjonsvilkår:
  Ørsta kommune har gode forsikringsordningar i KLP for sine tilsette, som også inkl. frivillig ulukkesforsikring  på fritida. 
  Som tilsett i Ørsta kommune får du del i ei av Noreg sine sikraste pensjonsordningar: Offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.
  Som medlem i KLP får du i tillegg tilgong til ekstra gode vilkår på bank, forsikring og sparing.
  

Arbeidsvilkår

Stillinga er plassert i HTA kap. 4 i stillingskode 6559 - konsulent eller 6599 - spesialkonsulent, ut i frå relevant kompetanse
Tilsetting elles i samsvar med gjeldande lov- og regelverk

Prøvetid
Prøvetid i faste stillingar er 6 mnd. I lengre vikariat er det høvesvis. Fråvær går til fråtrekk. Tilsetting skjer elles på dei vilkår og med dei rettar som går fram av gjeldande tariffavtalar og kommunale reglement.

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller har andre faktorar knytt til lov- og avtaleverk som kan gi grunnlag for fortrinnsrett. jf. AML §14.

Dokumentasjon 
Vitnemål/lenke til vitnemålsportalen og attestar frå tidlegare arbeidsforhold skal lastast opp i Webcruiter. Originale/bekrefta kopiar skal takast med til intervju. Vitnemål og attestar dannar grunnlaget for fastsetjing av ansiennitet og rett løn. Vi ber difor at du sender inn dokumentasjon på alle tidlegare arbeidsforhold. Attesten må innehalde dato frå-til, samt stillingsstørrelse eller antal timar.

Om offentleglova
Når du søker jobb hos oss, vil namnet ditt stå på ei offentleg søkarliste, i samsvar med offentleglova §25. Ønsker du å at namnet ditt skal vere unnateke frå den offentlege søkarlista, må du grunngje dette i søknadsskjemaet. Dersom kommunen meiner at det ikkje er grunnlag for fritak, vil du få beskjed og få tilbod om å trekkje søknaden før endeleg søkjarliste vert laga.

Kontaktinformasjon

Liv Bente Viddal, Tenesteleiar landbruk, 90 70 40 08, liv.bente.viddal@orsta.kommune.no

Arbeidsstad

Dalevegen 6

6153 Ørsta

Nøkkelinformasjon:

Arbeidsgivar: Ørsta kommune


Referansenr.: 5112262162

Stillingsprosent: 100%

Fast

Startdato: 01.09.2026

Søknadsfrist: 17.05.2026