Økonomirådgivar

Klepp kommune er stolte av å ha god økonomistyring, og i 2024 og 2025 vart økonomiplanen vår kåra til den aller beste i Noreg. Nå søker me deg som kan styrka oss endå meir i dette viktige arbeidet. Økonomiavdelinga har 13 tilsette med ansvar for økonomi, rekneskap, lønn og anskaffingar. Økonomirådgivarane er
sentrale i arbeidet med handlings- og økonomiplan, økonomirapportering, analyse- og planarbeid,innføring og utvikling av nye system og arbeidsprosessar og økonomirådgiving til leiarar og andre tilsette ikommunen.

Økonomiavdelinga har ei ledig stilling som økonomirådgivar. Stillinga vil ha oppgåver som økonomirådgivar, for tida med ansvar for barnehage, investeringar og samfunn og kultur. Du vil og vera sentral i å utvikla kommunensitt budsjett- rapporterings og analysearbeid inn i framtida. Er du analytisk, flink med folk og har evne til åtenka nytt, kan du vera den rette for oss.

Arbeidsoppgåver

• Oppfølging av budsjett og rådgiving innan ansvarsområdet ditt.
• Laga analysar og prognosar som organisasjonen etterspør eller på eige initiativ.
• Ansvar for budsjettering og oppfølging av budsjettet på investeringar.
• Arbeid med handlings- og økonomiplan og økonomirapportar.
• Arbeid med berekning av tilskot til private barnehagar.
• Ansvar for sjølvkostrekneskap og -budsjett.
• Viktig rolle i vidareutvikling av system for planar og rapportering.
• Andre arbeidsoppgåver etter avtale med leiar.

Kvalifikasjonar

• Me treng deg med høgare utdanning som siviløkonom/master i økonomi eller tilsvarande.
• Det er ein fordel om du har erfaring inn mot fagfeltet som blir beskrive.
• Me vil vektleggja erfaring med offentleg sektor, gode digitale ferdigheiter og eit ønske om å bidra tilauka digitaliserings- og forbetringsarbeid.
• Du må kunna snakka og skriva godt norsk.
  

Personlege eigenskapar

• Du må kunna samarbeida godt med kollegaene dine og naturlege samarbeidspartnarar, samtidig som at du kan arbeida sjølvstendig, systematisk og nøyaktig.
• Du må vera løysings- og resultatorientert med fleksibilitet og endringsvilje.
• I tillegg treng me deg med gode analytiske evner som kan nytta faget i eit analytisk arbeid.
• Me søkjer deg som trivst med mange ballar i lufta, men høgt arbeidstempo og stramme fristar.

Vi tilbyr

Me kan tilby ein arbeidsplass med gode, engasjerte og fagleg sterke kollegaer. Du vil kunna arbeida sjølvstendig og få stor fagleg utvikling og spanande utfordringar. Du får vera med på å skapa godeprosessar og løysingar. Du får fleksitid og lønn etter avtale. Som kommunalt tilsett får du gode pensjons- og forsikringsordningarog andre personalgoder. Me vil ha arbeidsstad i nye, fine lokaler i Klepp sentrum.

Me ber om at du lastar opp attestar og vitnemål i PDF-format saman med søknaden din. Utanlandske vitnemål må vera godkjent av Direktoratet for høgare utdanning og kompetanse (HK-dir) hkdir.no/utdanning-fra-utlandet. Utanlandske attestar må vera oversett til eit skandinavisk språk eller engelsk. Tilsetting skjer på dei vilkår og med dei plikter som kjem fram i utlysinga, og dei til ei kvar tid gjeldande lovar, reglement og tariffavtalar.

Klepp er den største av kommunane på Jæren, med over 21 000 innbyggarar og om lag 1800  tilsette. Me ligg sentralt til, med korte avstander både til Stavanger, Sandnes og Bryne.

Kommunen vår har dei flottaste strendene i heile regionen, me har ein spennande kulturhistorie, og ei god blanding av landbruk, industri og varehandel.

Visjonen vår er «Med blikk for alle».  Me ønskjer tilsette som tek i eit tak, bryr seg og tenkjer fritt, og me oppmodar alle kvalifiserte til å søkja, uansett alder, kjønn, funksjonsevne, seksuell orientering, religion eller etnisk bakgrunn.

Me gjer merksam på at søkarlister kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.