Vikar rådgivar kommunal planlegging

Ønskjer du å jobbe med planlegging, vere ein del av eit planfagleg miljø med fleire planleggarar og vere med å utvikle kommunane i Møre og Romsdal? Ved seksjon for plan har vi ledig eit 12 månaders vikariat i 100 % stilling som rådgivar i kommunal planlegging.

Arbeidsoppgåver

• Samordne innspela frå dei ulike ansvarsområda i fylkeskommunen i eit felles brev med ei tilråding
• Gjennom ordninga med plansamordning arbeider rådgivaren tett med andre avdelingar i
  fylkeskommunen
• Ha dialog med kommunane om konkrete saker, svare på spørsmål og delta på synfaringar hos
  kommunane i fylket ved behov
• Skrive saksframlegg til fylkesutval i saker der fylkeskommunen reiser motsegn
• Delta i utviklingsarbeid i fylket der plankompetanse er etterspurt
• Oppgåvene kan tilpassast noko etter kompetansen til den som får vikariatet

Høve til rask tilsetting vil bli vektlagt.

Kvalifikasjonar

• Relevant høgare utdanning på bachelor eller masternivå innan arealplanlegging eller samfunnsplanlegging. Også annan utdanningsbakgrunn kan vere aktuelt dersom ein har erfaring frå arbeid med planlegging
• God kjennskap til plan og bygningsloven med tilhøyrande forskrifter og anna relevant lovverk
• Gode digitale ferdigheiter
• God forståing av skilje mellom politikk og administrasjon
• Det er ein fordel å ha kunnskap om kommunane i Møre og Romsdal

Personlege eigenskapar

• Er positiv, serviceinnstilt og har gode samarbeidsevner
• Kommuniserer godt, både munnleg og skriftleg
• Er ansvarleg, strukturert og arbeider målretta
• Er samfunnsinteressert

Vi tilbyr

• Eit tverrfagleg og utviklande arbeidsmiljø
• Interessante og kompetansegivande oppgåver, som m.a. gir god innsikt i ulike samfunnsområde og det politiske systemet
• God tilgang til faglege nettverk
• Ein arbeidsgivarpolitikk med satsing på vekst og fagleg utvikling av leiarar og medarbeidarar
• Offentleg pensjonsordning, gruppelivs- og ulykkesforsikring
• Løn etter avtale

Bli med å utvikle regionen saman med oss!

Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Verdigrunnlaget vårt er ein lærande organisasjon, kjenneteikna av verdiskapande samarbeid og tillit.

Møre og Romsdal fylkeskommune ønskjer medarbeidarar som tek ei aktiv, engasjert, reflektert og ansvarleg rolle i organisasjonen vår. Hos oss møtast menneskjer med ulik kompetanse- og utdanningsbakgrunn for å skape gode tenester til våre innbyggarar.

Møre og Romsdal fylkeskommune er oppteken av mangfald, og vi oppfordrar difor alle som er kvalifisert i henhald til stillingas krav, til å søkje hos oss. Vi tilpassar arbeidsplassen om du har behov for det.

For tilsetting i skole og tannhelsetenesta krevst det politiattest av kandidater som får tilbud om stilling.


Dersom det kjem fram av din søknad at du ønskjer konfidensiell handsaming, gjer vi merksam på følgjande: Opplysningar om søkar kan gjerast offentleg sjølv om søkar har bedt om konfidensiell behandling.

Søker vil da få tilsendt informasjon om dette jf. offentleglova § 25.