Vil du vere med å leie og utvikle eit levande kristent fellesskap på Voss?

Nainkyrkja er eit fellesskap på Voss knytt til Indremisjonsforbundet. Vi ønskjer å vere ei forsamling der menneske i alle generasjonar kan møte Jesus, vekse i tru og finne sin plass i fellesskapet. No søkjer vi ein pastor som vil vere med å forkynne evangeliet, leie forsamlinga og bidra til å utvikle fellesskapet vidare.

Som pastor i Nainkyrkja får du ei sentral rolle i livet og arbeidet i forsamlinga. Saman med eldsteråd, styre og frivillige medarbeidarar vil du bidra til å byggje fellesskap, utruste menneske til teneste og utvikle forsamlinga vidare som eit ope og tydeleg kristent fellesskap i lokalmiljøet.

Dine viktigaste ansvarsområde:

• Forkynne og undervise i samsvar med visjonen og verdiene til Nainkyrkja
• Utøve sjelesorg, rettleiing og åndeleg oppfølging
• Bidra til å utvikle fellesskap, smågrupper og tenesteområde i forsamlinga
• Byggje team og utruste frivillige til teneste
• Bidra til gode strukturar og tydelege prioriteringar i forsamlinga sitt arbeid
• Samarbeide tett med eldsteråd og styre i strategiske prosessar
• Representere forsamlinga lokalt og byggje relasjonar i nærmiljøet

Vi ser etter deg som:

• har eit tydeleg engasjement for evangeliet og forsamlingbygging
• kan forkynne bibelsk og relevant på ein måte som inspirerer og engasjerer
• er ein relasjonsbyggjar som trivst med å utvikle menneske og fellesskap
• har evne til å skape struktur og retning i ein organisasjon med mange frivillige
• er trygg i eige leiarskap, men samstundes audmjuk og samarbeidsorientert

Teologisk utdanning er ønskjeleg, men ikkje eit krav.

Kva tilbyr vi?

• Ei meiningsfull teneste med stor moglegheit til å påverke utviklinga av forsamlinga
• Eit engasjert fellesskap med mange frivillige medarbeidarar
• Samarbeid med dedikerte leiarar i styre og eldsteråd
• Fleksibilitet og rom til å forme arbeidshardagen
• Løn og ordningar etter ImF sine retningslinjer

Personleg eignaheit vil bli tillagt stor vekt.

Arbeidsstad: Voss
Stillingstype: 80 - 100 % fast
Søknadsfrist: 20.04.2026
Kontakt:

• Morten Myhren, Human AS: 48 22 46 60
• Anne Stine Fløtre, Human AS: 93 80 10 03

Nainkyrkja Imf Voss er ei kyrkje som byggjer arbeidet på Bibelen Guds Ord, og den evangelisk-lutherske vedkjenninga. Nainkyrkja er knytt til Indremisjonsforbundet (ImF). Forsamlinga samlar menneske i ulike livsfasar og blir bore av eit stort engasjement frå frivillige medarbeidarar. Gjennom gudstenester og møte, barne- og ungdomsarbeid, smågrupper og ulike fellesskap ønskjer vi å skape rom for tru, tilhøyrsle og teneste. Saman ønskjer vi å vere eit synleg kristent fellesskap på Voss og bidra til at menneske får bli kjende med Jesus og leve som hans etterfølgjarar.