Lærling:

Hardanger fartøyvernsenter (HFS) er eitt av tre nasjonale fartøyvernsenter i Noreg, og ei avdeling i Hardanger og Voss Museum. HFS er ei allsidig verksemd som driv med restaurering av verna og freda fartøy og bygningar, nybygging og restaurering av småbåtar, lærlingtilbod, museumsverksemd, forsking, dokumentasjonsarbeid og reiseliv. HFS eig og driv hardangerjakta Mathilde, mellom anna som leirskule. HFS held til i Norheimsund og har rundt 45 medarbeidarar. HFS driv aktiv formidling og er ope for publikum året rundt.

Me søkjer no etter:

Lærling i trebåtbyggjarfaget

Lærling i smedfaget

Lærling i tømrarfaget

Bakgrunn/kvalifikasjonar for lærling i trebåtbyggjarfaget

• Formelle kvalifikasjonar, som vidaregåande utdanning frå trebåtbyggjarfag (Vg 2), alternativt Vg1/Vg2 frå snekkar/tømrar/møbelsnekkar

• Praksis frå desse faga, eller nærliggjande fag

• Arbeid eller kurs relatert til båt

Bakgrunn/kvalifikasjonar for lærling i smedfaget

·         Fullført vidaregåande utdanning frå smedfaget (Vg2)

Bakgrunn/kvalifikasjonar for lærling i tømrarfaget

·         Fullført vidaregåande utdanning frå tømrarfag (Vg2)

·         Erfaring med handverktøy

For alle stillingane søkjer med deg som har

• Erfaring frå/interesse for kulturminnevern og handverk

• Fagleg engasjement

• Kunnskap om historiske fartøy og maritim kulturhistorie

• Gode norskkunnskapar

• Førarkort klasse B

Som lærling hos oss får du

·         Lærekontrakt og arbeidsavtale

·         Løn under læreløpet etter gjeldande tariff

·         Rettleiing og oppfølging av kvalifisert fagleg leiar

·         Faglege utfordringar i eit trygt arbeidsmiljø

·         God læringsarena i eit godt og inkluderande arbeidsmiljø

Læretida vil hovudsakleg skje knytt til arbeid med verna og freda fartøy og historiske bygg. Noko reising må du rekne med, då vi tar oppdrag over det meste av landet. Læretida vil vera avhengig av godkjend skulegang og praksis.

Hardanger og Voss museum er opptekne av mangfald og oppmodar alle kvalifiserte kandidatar til å søke.