Sommarjobb på Evenes

Forsvarsbygg på Evenes søker 2 sommarvikarar til ulike oppgåver knytt til utendørs drift.
Arbeidsoppgåver vil primært vere plenklipp, kantklipp, luking i bed og andre liknande oppgåver.

Tidsrommet vil vere i perioden frå skuleslutt (slutten av juni) og til skulestart (midten av august).
Vi ønsker at du oppgir i søknaden kva periode du ønsker å jobbe.

Som sommarvikar hos oss vil du få ein avtale som blir kalla rammeavtale for tilkalling for perioden 01.06.2026 – 30.08.2026. Denne avtalen vil seie noko om kva vilkår som gjeld, og kva lønn du får når du er på jobb. Når du skal jobbe innanfor denne perioden, blir avtalt med den som blir leiaren din. Normalt jobbar ein sommarvikar på Evenes 100 % stilling i 4 veker innanfor den oppgitte perioden. Arbeid ut over dette kan også avtalast alt etter kva som er arbeidsgivars behov, og kva som passar for deg. Det kan vere aktuelt med arbeid ettermiddag og helg etter skulestart ved behov.

Les meir om Forsvarsbygg på www.forsvarsbygg.no og på karrieresida vår: www.forsvarsbygg.no/jobb.

Arbeidsoppgåver

• Måling av bygningar og anlegg
• Spyling av vegar og parkeringsplassar
• Klipping av plen
• Kantklipping
  
• Bistå dei faste drifsteknikarar med påkommande oppgåver

Kven ser vi etter?

Vi ser etter deg som er:

• God til å samarbeide
• Sjølvstendig
• Fleksibel
• Påliteleg
• Ansvarleg

Kvalifikasjonar

• Må vere fylt 16 år, eller fylle 16 år i 2026.
  Minst ein av de to sommarvikarane må ha førarkort kl. B
• Du må kunne autoriserast til Begrensa før oppstart

Vi tilbyr

Lønn som unge arbeidstakarar eller hjelpearbeidar (kode 1138/1115), frå kr. 293 500 - 417 600 i brutto årleg lønn.

Sidan festningane si tid har operative og funksjonsdyktige bygningar og anlegg vore avgjerande for Noreg si forsvarsevne. Det er Forsvarsbygg sitt ansvar å bygge denne forsvarsevna. Vi utviklar, bygger, driv og avhendar bygningar, anlegg og eigedom for forsvarssektoren. Vi er Noreg si største offentlege eigedomsaktør, ein attraktiv arbeidsgjevar med leiande fagkompetanse innan bygg og eigedom, og ei rekkje tilknytte fagområde.


Forsvarsbygg har ansvaret for over 12 000 bygningar og anlegg over heile landet, og har til ei kvar tid ansvaret for om lag 300 aktive investeringsprosjekt. Eigedomsparteføljen vi forvaltar inneheld mange av dei mest særegne og krevjande bygningane i landet, frå dei 15 festningane som er tilgjengelege for allmennheten, til militærleirar, skyte- og øvingsfelt og flystasjonar for Forsvaret. Forsvarsbygg har hovudkontor i Oslo med lokalitetar over heile landet.


Forsvarsbygg er ein etat i forsvarssektoren og underlagt Forsvarsdepartementet. Vi meiner at inkludering og mangfald er ein styrke. Vi ønskjer medarbeidarar med ulike kompetansar, fagkombinasjonar, livserfaring og perspektiv for å bidra til endå betre oppgåveløysing. Vi vil tilretteleggje for medarbeidarar som har behov for det. Aktuell tilrettelegging kan til dømes vere tekniske hjelpemiddel, tilpassing av møblar eller endring av rutinar og arbeidsoppgåver.