Leiar for Plogen kultursal

Hausten 2026 står nye Plogen kulturhus klart for innflytting . Plogen kulturhus inneheld kultursal, bibliotek, frivilligsentral, ungdomsklubb og kulturskule på ein og same stad. Plogen er for alle og skal løfta kulturlivet i Klepp og regionen, skapa meir liv i sentrum, vera ein møteplass for generasjonar og kulturar, og ein arena for nyskaping og samarbeid.

Klepp kommune søkjer ein engasjert og strukturert leiar for kultursalen i Plogen kulturhus. Du får eit sentralt ansvar for drift og utvikling av salen, programarbeid, booking av artistar og arrangement, og du blir hovudansvarleg for oppfølging av kafédrifta i huset. Rolla inkluderer samarbeid med lokale og regionale aktørar, kontraktsarbeid, koordinering av personell og frivillige, samt medverknad til kommunale arrangement. Du blir ei sentral drivkraft i å utvikle Plogen kulturhus som ein inkluderande og levande møteplass for heile kommunen.

Stillinga kombinerer strategiske oppgåver, tett samarbeid med kulturaktørar og operativ leiing av arrangement – inkludert koordinering av teknikk, frivillige og servering. Du vil også representere kommunen i relevante nettverk. Stillinga rapporterer til kultursjef og vil ha ansvar for eit lite team beståande av teknikar og andre ressursar knytta til kultursalen.

Arbeidsoppgåver

• Utvikle eit variert og balansert program for kultursalen, med ansvar for å planleggje og gjennomføre arrangement frå start til slutt.
• Booke artistar, førestillingar og eksterne arrangement, samt forhandle og inngå avtalar.
• Initiere og tilretteleggje for aktivitetar i samarbeid med lokalt kulturliv, frivillige og kommunale arrangement.
• Koordinere bemanning, vaktlister, frivillige, skjenking og servering.
• Sikre trygg, profesjonell og god publikumshandtering.
• Følgje opp tekniske tenester og vedlikehald innan lyd, lys, sceneteknikk og lokale.
• Følgje opp kafédrift og sikre gode rutinar mellom kafé og arrangement.
• Sørge for kommunikasjons- og marknadsføringstiltak i samarbeid med kommunikasjonsavdelinga.
• Ha ansvar for personale, budsjett, økonomi, rapportering og kontraktsforvaltning.
• Andre oppgåver knytta til arrangement og kulturaktivitetar kan bli aktuelle for stillinga.
• Arbeidstida vil variere og inneber kvelds- og helgearbeid når arrangement krev det.
  

Kvalifikasjonar

• Relevant utdanning innan kulturleiing, administrasjon, økonomi, prosjektleiing eller tilsvarande – eller relevant praksis som kompenserer.
• Erfaring med arrangement, booking, programarbeid eller tilsvarande kulturproduksjon.
• Forståing for tekniske behov i kultursal (lyd, lys, sceneløysingar).
• Gode digitale ferdigheiter.
• Gode norskkunnskapar munnleg og skriftleg.
  
  Ønskjeleg:
• Erfaring frå kulturhus, festival, teater eller tilsvarande produksjonsmiljø.
• Kompetanse innan alkohollova (styrar/stedfortreder – ev. vilje til å ta kurs).
• Erfaring med kafé-/serveringsdrift eller samarbeid med kommersielle leigarar.
• Kjennskap til billettsystem, planleggingsverktøy eller teknisk drift.
• Førarkort klasse B.

Personlege eigenskapar

Me ser etter ein person som:

• er strukturert og gjennomføringssterk.
• trivst med både publikum, samarbeidspartnarar og teknisk personell.
• har gode leiareigenskapar og kan motivere frivillige og tilsette.
• har evne til å arbeide fleksibelt og handtere fleire oppgåver parallelt.
• er trygg, serviceorientert og god på kommunikasjon.

Vi tilbyr

• Ei nøkkelrolle i utviklinga av Plogen kulturhus.
• Varierte arbeidsoppgåver med stor påverknad på kulturtilbodet i kommunen.
• Godt arbeidsmiljø med fokus på fag og trivsel.
• Gode forsikrings-og pensjonsordningar (https://www.klp.no/pensjon/offentlig-tjenestepensjon-kort-fortalt)
• Bedriftskunstforeining
• Ordning med refusjon for behandling hos fysioterapeut og kiropraktor
• Lønn etter avtale

Klepp er den største av kommunane på Jæren, med over 21 000 innbyggarar og om lag 1800  tilsette. Me ligg sentralt til, med korte avstander både til Stavanger, Sandnes og Bryne.

Kommunen vår har dei flottaste strendene i heile regionen, me har ein spennande kulturhistorie, og ei god blanding av landbruk, industri og varehandel.

Visjonen vår er «Med blikk for alle».  Me ønskjer tilsette som tek i eit tak, bryr seg og tenkjer fritt, og me oppmodar alle kvalifiserte til å søkja, uansett alder, kjønn, funksjonsevne, seksuell orientering, religion eller etnisk bakgrunn.

Me gjer merksam på at søkarlister kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.