Koordineringssenteret

Vi søkjer ein strukturert og fagleg sterk medarbeidar til arbeid med eigenbetaling i institusjon. Stillinga er knytt til eininga forvaltning og støttenester i avdeling koordineringsenteret, og vil ha ei rolle innan institusjonsøkonomi og berekning av eigenbetaling.

Om stillinga

Stillinga inneber ansvar for sakshandsaming, berekning og oppfølging av eigenbetaling i tråd med gjeldande regelverk. Du vil jobbe tett med brukarar/pårørande, eigenbetalingsgruppa og leiinga for å sikre korrekt, effektiv og rettstrygg forvalting.

Arbeidet krev god forståing for både økonomiske berekningar og forvaltingsmessige vurderingar, samt evne til å forklare regelverk på ein tydeleg måte.

Stillinga er på 90%

Arbeidsoppgåver

• Berekning og fastsetjing av eigenbetaling for institusjonsopphald
• Sakshandsaming etter gjeldande lover, forskrifter og kommunale retningslinjer
• Rekneskaps messig oppfølging, grunnlag for fakturering og avstemming
• Handtering av endringar, klager og vedtak knytte til eigenbetaling
• Samarbeid med økonomiavdeling og tenestestader
• Tett og løypande dialog med brukarar og deira pårørande. Rettleiing og informasjon til brukarar om regelverk, vedtak og berekningar
• Bidra til forbetring av rutinar og kvalitet i arbeidet

Kvalifikasjonar

• Relevant bachelor innan økonomi, rekneskap, offentleg forvalting
• Lang relevant erfaring kan kompensere for utdanning
• Erfaring frå økonomi- eller rekneskapsarbeid og sakshandsaming

Ønskjelege kvalifikasjonar

• Erfaring med eigenbetaling innan institusjon er ein klar fordel
• God kjennskap til relevant regelverk (helse- og omsorgstenester / vederlagsforskrifter)
• Gode digitale ferdigheiter og erfaring med økonomi- og fagsystem
• God munnleg og skriftleg framstillingsevne på norsk

Personlege eigenskapar

• Nøyaktig, strukturert og kvalitetsmedviten
• God heilskapsforståing og evne til å arbeide sjølvstendig
• Tydeleg og trygg i dialog med brukarar, pårørande og kollegaer
• Løysingsorientert og samarbeidsvillig
• Personleg eigna

Kontakt:

Monica Førde Landro

Tonje Alvsvåg

 

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.

Øygarden kommune er den nest største kommunen i Vestland fylke med om lag 39 850 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet.
Administrasjonsspråket i Øygarden er nynorsk.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.