Lærar til tilrettelagt avdeling

Årstad vidaregåande skule er ein av dei største vidaregåande skulane i Bergen. Skulen har eit variert undervisningstilbod med fem yrkesfaglege utdanningsprogram og tilbod for lærlingar. I tillegg tilbyr skulen studieførebuande løp, innføringsklassar for minoritetsspråklege elevar og grupper for tilrettelagd opplæring. Skulen skal vere ein stad der alle elevar finn eit godt læringsmiljø. Sjå meir informasjon om skulen på https://www.arstad.vgs.no/.

Årstad vidaregåande skule har to avdelingar for tilrettelagd opplæring for elevar med særskilde behov. Opplæringa føregår i små grupper, der elevane får individuelt tilrettelagd undervisning etter individuell opplæringsplan (IOP). Den eine avdelinga ligg på hovudskulen til Årstad vgs. på Danmarksplass, medan den andre ligg på Laksevåg i same skulebygg som Laksevåg og Bergen maritime vgs.

Avdelinga vår på Laksevåg skal auke elevtalet, og vi har difor ledig inntil tre faste stillingar som lærar. Vi ønskjer oss medarbeidarar som vil vere med og vidareutvikle avdelingane våre, der meistring og lærelyst står sentralt.

Arbeidsoppgåver

• Undervisning og leiing av det pedagogiske arbeidet i klassen.
  
• Rettleie og samarbeide med miljøarbeidarar i det daglege arbeidet.
  
• Utvikle eit tilrettelagt opplæringstilbod basert på elevane sine føresetnader, med fokus på fagleg utvikling, ADL, kommunikasjon, sosialt samspel og trivselsskapande aktivitetar.
• Utarbeide og følgje opp individuelle opplæringsplanar (IOP).
• Bidra i pedagogisk utviklingsarbeid i tråd med skulen si pedagogiske plattform og utviklingsplan.
  
• Sikre godt skule–heim‑samarbeid og samarbeid med andre instansar.

Kvalifikasjonar

• Undervisningskompetanse, t.d. grunnskulelærar, yrkesfaglærar eller praktisk‑pedagogisk utdanning (PPU).
  
• Ønskjeleg med spesialpedagogisk kompetanse.
  
• Ønskjeleg med erfaring frå undervisning, gjerne retta mot målgruppa i tilrettelagd opplæring.
  
• Evne og interesse for utviklingsarbeid for å forbetre undervisningspraksis.
  
• God profesjonsfagleg digital kompetanse (PfDK) og trygg bruk av relevante læringsverktøy.
  
• Erfaring frå arbeid i tilrettelagde læringsmiljø er ein fordel — til dømes tverrfagleg samarbeid, IOP‑oppfølging, struktur i små grupper og klasseleiing.
• Personlege eigenskapar blir tillagde stor vekt i denne stillinga.

Personlege eigenskapar

• Du har gode samarbeidsevner, godt humør og trivst med å jobbe i team.
  
• Du har gode kommunikasjons‑ og relasjonsevner, og byggjer gode relasjonar til elevar, kollegaer og føresette.
  
• Du kan arbeide strukturert og sjølvstendig, og er trygg og løysingsorientert i komplekse og uforutsigbare situasjonar.
  
• Du har evne og vilje til å setje langsiktige mål for elevane og arbeidet i avdelinga.
  
• Du utøver tydeleg og trygg klasseleiing i eit miljø med både elevar og miljøarbeidarar.
• Du er trygg i arbeid med ungdom som kan ha utfordrande åtferd.

Vi tilbyr

• Ein skulekultur prega av mangfald, inkludering og engasjement.
  
• Eit godt fagmiljø med god samarbeidskultur og engasjerte kollegaer.
  
• Eit tverrfagleg arbeidsmiljø med kompetanse frå fleire helse‑ og pedagogiske fagområde.
  
• Deltaking i pedagogisk utviklingsarbeid i tråd med skulen si pedagogiske plattform og utviklingsplan.
  
• Gode og føreseielege arbeidstilhøve som legg til rette for fagleg utvikling og samarbeid.
  
• Løn og lønsutvikling i tråd med lønnspolitikken til Vestland fylkeskommune.
  
• Gode forsikrings‑ og pensjonsordningar.

Andre opplysningar:

• Den som blir tilsett må leggje fram politiattest

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.