Driftsoperatør

Eigedomsavdelinga er Vestland fylkeskommune si fagavdeling for bygge- og eigedomssaker. Avdelinga har ansvar for å ta vare på fylkeskommunen si byggherrefunksjon, og for forvaltning, drift, vedlikehald og utvikling av fylkeskommunen sine eigedomar. Den samla eigedomsmassen utgjer om lag 800 000 m², og omfatter vidaregåande skular, tannklinikkar, kollektivknutepunkt, kulturbygg og administrasjonsbygg. Eigedomsavdelinga har totalt om lag 400 tilsette. Av desse er om lag 40 tilsette ved kontoret i Bergen.
Det er ledig ei fast 100 % stilling som driftsoperatør ved Amalie Skram vidaregåande skule. Skulen ligg sentralt plassert midt i Bergen sentrum og har om lag 1 200 elevar, med eit aktivt og inkluderande skulemiljø. Skulebygget omfatter om lag 17 000 kvadratmeter og er tilknytt både fjernvarme og fjernkjøling.
Driftsoperatøren vil rapportere til områdeleiar.
Den som vert tilsett, vil få opplæring i drift og vedlikehald av bygningar og tekniske anlegg.
Administrasjonsspråket i fylkeskommunen er nynorsk.
Alle nytilsetjingar vert gjorde med ei prøvetid på seks månader.

Arbeidsoppgåver

• Drift og vedlikehald av bygg, tekniske installasjonar og utomhusanlegg
• Følgje opp mindre bygge- og rehabiliteringsprosjekt
• Vera byggeigar sin representant på bygget ved innkjøpte tenester tinga av Eigedomsseksjonen
• Utføre mindre serviceoppgåver opp mot bruker etter retningslinjer gitt frå Eigedomsavdelinga
• Ansvarleg for at bygget tilfredsstiller krava i offentlege lover og forskrifter i samarbeid med Eigedomsavdelinga
• Vera eigedom sin brannvernleiar, opplæring vil bli gitt.
• Andre oppgåver knytt til drifta

Kvalifikasjonar

• Fagbrev med erfaring, fortrinnsvis som byggdriftar, røyrleggjar, elektrikar, automatikar eller anna relevant handverksbakgrunn.
• Lang erfaring innan fagområdet kan kompensera for fagbrev.
• Kunnskap om tekniske installasjonar og bruk av SD-anlegg.
• Kunnskap om internkontroll innan brann, elektro, tekniske installasjonar, HMT og ytre miljø

Personlege eigenskapar

• Gode evner til kommunikasjon, vere kreativ, påliteleg, initiativrik og serviceinnstilt.
• Ha evne til å arbeide sjølvstendig, målretta og samarbeide godt med andre i fylkesadministrasjonen.
• God datakunnskap og kjennskap til databaserte styringsverktøy for FDV og systematisk vedlikehald.
• Løysingsorientert.
  

Vi tilbyr

• Spanande oppgåver i eit tverrfaglig miljø
• Engasjerte og dyktige medarbeidarar
• Gode moglegheiter for faglig utvikling
• Organisering av eigen arbeidskvardag
• Gode pensjonsordningar
• Løn etter avtale

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.