Ferievikarar

Om stillinga

Brønnøysundregistera treng di hjelp til å gjere viktige oppgåver og har fleire ledige stillingar som ferievikar i perioden 15.04.- 31.08.2026. Seinare oppstart og tidlegare sluttdato vil vere mogleg. Du må opplyse når du kan starte og kor lenge du kan jobbe. 

Arbeidsoppgåver 

• saksbehandle i våre registre – registrere og kontrollere meldingar 
• andre påkomande arbeidsoppgåver 

Kvalifikasjonar 

Du må ha  

• fullført vidaregåande opplæring  
• beherske bruk av PC som arbeidsverktøy godt  
• ha god formuleringsevne på norsk, både munnleg og skriftleg  

 

Det er fint om du også har 

• relevant praksis innanfor området  

Personlege eigenskapar

• du må like å jobbe saman med andre og vere positiv til dei arbeidsoppgåvene som må gjerast  

Vi tilbyr

Stillingane er lønna med etterskots timelønn (kroner 212 - 231 pr. time rekna ut frå ansiennitet). Det blir trekt 2 % innskot til Statens pensjonskasse frå lønna di. 

Arbeidstida er i perioden 15.05. - 14.09. måndag-fredag kl. 0800-1500. Resten av året er arbeidstida 0800 – 1545.  

Inkludering og mangfald er viktig for oss

Vi ønsker å vere ein inkluderande arbeidsplass, der vi speglar mangfaldet i befolkninga. Vi treng medarbeidarar med ulik erfaring, bakgrunn, kompetanse og kvalifikasjonar for å løyse samfunnsoppdraget vårt. Har du hol i CV-en , nedsett funksjonsevne eller innvandrarbakgrunn oppfordrar vi deg til å krysse av for det når du søker stilling hos oss. Vi kallar inn minst ein kvalifisert søkar frå kvar av desse gruppene til intervju.

Verd å merke seg før du søker

Når du søker jobb hos oss, vil namnet ditt stå på ei offentleg søkarliste. Ønsker du å bli unntatt frå den offentlege søkarlista, må du grunngi kvifor. Vi tar kontakt med deg dersom vi ikkje tar ønsket ditt til følgje, og du får moglegheit til å trekke søknaden din. 

For å bli vurdert som søkar, må du legge ved relevante attestar og vitnemål. Vitnemål frå utdanning tatt i Noreg lastar du opp frå Vitnemålsportalen. Har du utdanning frå utlandet legg du ved godkjenning frå Direktoratet for høgare utdanning og kompetanse/NOKUT.