IKT-koordinator

Team Brukaroppleving er ein del av IT-seksjonen i Møre og Romsdal Fylkeskommune. Hovudområda er brukarstøtte og fagleg ansvar for alle IKT-lærlingane i fylkeskommunen. IT-seksjonen har f.t. 42 tilsette og 17 lærlingar. Team Brukaroppleving har ansvar for it-support for heile Møre og Romsdal fylkeskommune.
Det er to IKT-koordinatorar i IT-seksjonen. Stillingane ligg under Team Brukaroppleving med teamleiar som næraste overordna og har fagleg oppfølging og rettleiing av tilsette i Team brukaroppleving. IKT-koordinator har eit overordna ansvar, inkludert personaloppfølging, for lærlingar. Stillinga gir og støtte og bistand til administrasjonen på skolar og tannklinikkar. Våre to IKT-koordinatorar samarbeider tett.
IKT-koordinator skal engasjere og motivere medarbeidarar til å yte det beste for brukarane våre og bidra til å fremme og vidareutvikle samarbeid internt i IT-seksjonen.
Vi har 20 vidaregåande skolar, ein fagskole og tre administrative lokasjonar som skal følgast opp av to IKT-koordinatorar.
Arbeidsstaden er Fylkeshuset i Molde, og det må reknast med reiser til våre andre lokasjonar.

Arbeidsoppgåver

• Overordna fagleg ansvar for lærlingar, inkludert personal- og opplæringsansvar
• Overordna ansvar og oppfølging av lokale instruktørar i regionen
• I samråd med teamleiar; følge opp, hjelpe til med, støtte og rettleie IT- ressursane våre
• Fange opp kompetansebehov i organisasjonen og tilrettelegge for kompetansetiltak
• Ressursplanlegging i regionen
• Hjelpe skoler og tannklinikkar i regionen med deira behov og utfordringar og gjennomføre statusmøter ved behov
• Følgje opp SLA for IT-seksjonen ovanfor skolar og tannklinikkar i regionen
• 
  

Kvalifikasjonar

Krav til stillinga:

• Minimum fagbrev IKT
• God forståing av IT infrastruktur
• God skriftleg og munnleg kommunikasjonsevne på norsk
• Sertifikat på bil
• Minimum 5 års erfaring frå IT-servicearbeid
  

Ønska kompetanse:

• Erfaring frå prosjektarbeid
• Erfaring med servicearbeid innan IT
• Erfaring med fagleg rettleiing av andre
• Erfaring frå å jobbe etter ITIL-metodikk
• God skriftleg og munnleg kommunikasjonsevne på engelsk
• Bachelor innen IT er ein fordel
• Erfaring frå personalleiing/oppfølging, gjerne med ungdom

Personlege eigenskapar

• God evne til samarbeid
• Evne til å forstå samanhengar og avhengigheiter mellom system, tenester og brukarar
• Framtidsretta, løysingsorientert og engasjert
• Har stor arbeidskapasitet, gjennomføringsevne og trivst med hektiske arbeidsdagar og en del reising
• Er ein relasjonsbygger og evnar å motivere andre
• Er systematisk

Vi tilbyr

• Ei utfordrande og spennande stilling i eit arbeidsmiljø kjenneteikna av stor profesjonalitet og sterkt fagmiljø
• God tilgang til faglege nettverk og fagleg utvikling
• Offentleg pensjonsordning, gruppelivs- og ulykkesforsikring
• Løn etter avtale (HTA kap 3)

Bli med å utvikle regionen saman med oss!

Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Verdigrunnlaget vårt er ein lærande organisasjon, kjenneteikna av verdiskapande samarbeid og tillit.

Møre og Romsdal fylkeskommune ønskjer medarbeidarar som tek ei aktiv, engasjert, reflektert og ansvarleg rolle i organisasjonen vår. Hos oss møtast menneskjer med ulik kompetanse- og utdanningsbakgrunn for å skape gode tenester til våre innbyggarar.

Møre og Romsdal fylkeskommune er oppteken av mangfald, og vi oppfordrar difor alle som er kvalifisert i henhald til stillingas krav, til å søkje hos oss. Vi tilpassar arbeidsplassen om du har behov for det.

For tilsetting i skole og tannhelsetenesta krevst det politiattest av kandidater som får tilbud om stilling.


Dersom det kjem fram av din søknad at du ønskjer konfidensiell handsaming, gjer vi merksam på følgjande: Opplysningar om søkar kan gjerast offentleg sjølv om søkar har bedt om konfidensiell behandling.

Søker vil da få tilsendt informasjon om dette jf. offentleglova § 25.

Lenke til: Stab for organisasjon og tenesteutvikling - Møre og Romsdal fylkeskommune