Sommerjobb 2026. Omviser / Ringevikar / Sesonghjelp / Guide / Kafé

Om stillinga

Som omvisar og museumsvert er du ein viktig del av publikumsopplevinga. Du møter besøkande i alle aldrar og frå ulike land, og formidlar historie og kultur på ein forståeleg og engasjerande måte. Arbeidsoppgåvene blir utførte både sjølvstendig og i samarbeid med andre tilsette.

Vi er særleg interessert i søkjarar som òg har moglegheit til å vere tilkallingsvikar etter sommarsesongen, men dette er ikkje eit krav.

Vi søkjer 5-7 guidar til alle MUHO sine avdelingar: Tekstilindustrimuseet, Osterøy museum/Havrå, Vestnorsk utvandringssenter og Lyngheissenteret. I søknaden ber vi deg spesifisere kva for ei eller kva for nokre avdelingar du ønskjer å jobbe ved. 

Arbeidsoppgåver

• Omvising og formidling til publikum på norsk og engelsk
• Vertskap, resepsjon og billettsal
• Enkle kaféoppgåver som servering og rydding
• Arbeid i museumsbutikk (ved enkelte avdelingar)
• Enkel dagleg orden og reinhald
• Bidra til aktivitetar og arrangement, inkludert tilbod for barn
• Køyring mellom avdelingar ved behov (gjeld enkelte stillingar)

Oppgåvene varierer mellom avdelingane, men omvising og publikumskontakt utgjer hovuddelen av stillinga.

For enkelte stillingar kan det vere nødvendig å køyre mellom avdelingane. Dette føreset førarkort og tilgang til køyretøy. Køyregodtgjersle blir gitt etter gjeldande satsar. 

Kvalifikasjonar

Vi søkjer deg som er:

• Serviceinnstilt og imøtekomande
• Trygg i møte med publikum
• Fleksibel og løysingsorientert
• I stand til å arbeide sjølvstendig og i team

MUHO sine verdiar er likeverd, openheit, kompetanse og engasjement, og vi søkjer deg som kan identifisere deg med desse.

Det er ønskjeleg med:

• Erfaring frå service, kafé, guiding, museum eller kundebehandling
• Interesse for historie, kultur eller formidling
• Fleksibilitet til å jobbe på fleire avdelingar

Opplæring vil bli gitt.

Krav

• Du har fylt 18 år
• Du meistrar norsk og engelsk munnleg
• Du kan delta på opplæringsdag 4. mai
• For enkelte stillingar er det krav om førarkort
• Stillingane har krav om vandelsattest (politiregisterforskriften §34-18)

Vi tilbyr

• Ein variert og sosial sommarjobb i historiske omgjevnader
• God opplæring og førstehjelpskurs
• Løn etter tariff
• Eit godt arbeidsmiljø med engasjerte kollegaer
• Moglegheit for vidare arbeid som tilkallingsvikar