Salg- og marknadsansvarleg - Infrastruktur

Leirvik AS utviklar løysingar for bruk av aluminium i berande brukonstruksjonar og anna infrastruktur. I 2025 leverte vi Hangarbrua, ei 55m lang nettverksbogebru i aluminium til Statens Vegvesen. Same år skreiv vi kontrakt på bygging av Marinebroen i Bergen, som skal leverast i 2026. Me har gjennom fleire studiar og forprosjekt vist at aluminium er eit godt eigna materiale i alt frå korte gang- og sykkelbruer til lange køyrebruer.

Leirvik AS har i lang tid levert store aluminiumskonstruksjonar til offshoreindustrien, og denne unike kompetansen og lange erfaringa vil me vidareføre til nye marknader. Me søkjer difor etter deg som kan vera med å utvikla Leirvik AS til å bli ein viktig aktør innan brukonstruksjonar og anna infrastruktur i aluminium.

Arbeidsstad: Stord/Oslo eller etter nærmare avtale

Arbeidsoppgåver

• Salg og kartlegging av marknad
• Kundekontakt og oppfølging av eksisterande og nye kundar
• Identifisere produkt og leveransemodellar og delta i utviklinga av desse
• Bidra i strategiarbeid og utvikling av Leirvik AS si satsing innan infrastruktur

Ønska kvalifikasjonar

• Relevant erfaring frå entreprenør- eller prosjekteringsselskap
• God kjennskap til produkt, marknad og gjennomføring av prosjekt
• God teknisk og praktisk forståing
• Utdanning frå høgskule/universitet (erfaring kan kompensera for manglande utdanning)
• Gode skriftlege og munnlege framstillingsevner på norsk og engelsk

Personlege eigenskapar

• Positiv, proaktiv og ein sterk relasjonsbyggjar
• God kommunikator og lagspelar
• Kommersiell og strategisk tilnærming
• Interesse for utviklingsarbeid og for å finna nye moglegheiter

Vi tilbyr

• Utviklande og spanande arbeidsoppgåver
• Eit triveleg og støttande arbeidsmiljø
• Gode velferds- og pensjonsordningar
• Gode moglegheiter for fagleg utvikling
• Konkurransedyktige vilkår

Leirvik AS er ei moderne verksemd med over 300 medarbeidarar, og eit sterkt fagmiljø. Etter meir enn 50 år som leiande innan design, bygging og vedlikehald av offshore bustadhotell, har me utvida satsinga vår til nye område som infrastruktur, akvakultur og havvind, samstundes som me held fram vår sterke posisjon innan LQ og moduler.

Vårt ingeniørmiljø utviklar teknologi og løysingar for blant anna bustadhotell, bruer og landbasert oppdrett– både på eige verft på Stord og offshore.

Omstilling har alltid vore ein del av vår reise, og suksessen vår byggjer på ei kontinuerleg nyskapings- og entreprenørånd gjennom generasjonar.

Og det aller viktigaste: Me har gode folk på alle plan!