Ønsker du nye utfordringer?

Seksjon registerdrift har ansvaret for saksbehandling, kontroll og brukarrettleiing for alle dei 17 registera Brønnøysundregistera forvaltar. Seksjonen har rundt 160 medarbeidarar og er organisert i fem grupper. 

Nå treng vi deg som er ein tydeleg, profesjonell og inspirerande gruppeleiar. Vi ønsker deg som vil bidra til at dei tilsette opplever større grad av tillit, ansvar og handlingsrom. 

Arbeidsoppgåver

• utøve godt leiarskap i tråd med staten sine leiarforventningar 
• styrke produksjonsleiinga gjennom tydelege og faktabaserte avgjerder 
• leie og utvikle medarbeidarar i ein organisasjon i endring 
• sikre måloppnåing og god kvalitet i seksjonen sine leveransar innanfor vedtatte prioriteringar 
• følge opp dagleg drift, prioriteringar og ressursbruk

Kvalifikasjonar

Du må ha 

• utdanning på bachelor- eller masternivå, gjerne innan økonomiske-, administrative- eller leiingsfag 
• leiarerfaring, gjerne innan endringsleiing eller offentleg forvaltning 
• god munnleg og skriftleg framstillingsevne på norsk 

Personlege eigenskapar

Vi ser etter ein leiar som:

• inspirerer medarbeidarane sine til å nå mål og løyse oppgåver og utfordringar 
• er analytisk og har lyst til å skape resultat og stå fram som ein tydeleg leiar 
• evnar å følge opp og gi medarbeidarane jamlege tilbakemeldingar 
• bygger gode relasjonar baserte på openheit, tillit og involvering 
• er nysgjerrig på bruk av digitale løysingar og ny teknologi

Dette får du hos oss

• fast stilling lønna som kontorsjef med årslønn frå kr 700 000 - 800 000 avhengig av kvalifikasjonane dine. Om du er spesielt godt kvalifisert, kan vi vurdere høgare løn.
• interessante og utfordrande oppgåver innan digitalisering og forenkling av Noreg 
• eit godt arbeidsmiljø med uformell tone, der vi alle er på hels 
• gode moglegheiter for fagleg utvikling og ei raus stipendordning 
• fleksibel arbeidstid med god balanse mellom arbeidsliv og privatliv 
• gode velferdsordningar i alle livsfasar og moglegheit for trening i arbeidstida 
• medlemskap i Statens pensjonskasse (https://www.spk.no/)som har ei av dei beste pensjonsordningane i landet, med gunstig bustadlån og gode forsikringsordningar 
• moderne kontorlokale med fantastisk utsikt over Helgelandskysten. Les meir (https://jobb.brreg.no/) om den flotte arbeidsplassen vår og byen vi bur i.

• hjelp til å skaffe bustad 

  Vi har eit rekrutteringssamarbeid med Brønnøy kommune og Digitaliseringsdirektoratet. Har du ein partnar som har behov for jobb, kan vi formidle kontakt med desse. 

Inkludering og mangfald er viktig for oss

Vi ønsker å vere ein inkluderande arbeidsplass, der vi speglar mangfaldet i befolkninga. Vi treng medarbeidarar med ulik erfaring, bakgrunn, kompetanse og kvalifikasjonar for å løyse samfunnsoppdraget vårt. Har du hol i CV-en , nedsett funksjonsevne eller innvandrarbakgrunn oppfordrar vi deg til å krysse av for det når du søker stilling hos oss. Vi kallar inn minst ein kvalifisert søkar frå kvar av desse gruppene til intervju. Vi legg til rette for medarbeidarar som har behov for det.  

Bu i Brønnøysund

Brønnøysund er ein triveleg liten kystby sør på Helgeland. Vi har korte avstandar til det meste og mykje vêr - uansett årstid! Er du glad i naturopplevingar, har vi utallege moglegheiter. Det er også mange tilbod for deg som heller føretrekker ein tur på kafé eller restaurant, er opptatt av kultur eller ulike treningsmoglegheiter innandørs. 

Har du studielån og bur i Brønnøy kommune, kan du få lånet nedskrive kvart år til det er nedbetalt. Les meir om ny ordning for nedskriving av studielån på regjereringen.no  (https://www.regjeringen.no/no/aktuelt/vil-innfore-ny-ordning-for-sletting-av-studielan/id3121673/)

Verdt å merke seg før du søker

Når du søker jobb hos oss, vil namnet ditt stå på ei offentleg søkarliste. Ønsker du å bli unntatt frå den offentlege søkarlista, må du grunngi kvifor. Vi tar kontakt med deg dersom vi ikkje tar ønsket ditt til følgje, og du får moglegheit til å trekke søknaden din. 

For å bli vurdert som søkar, må du legge ved relevante attestar og vitnemål. Vitnemål frå utdanning tatt i Noreg lastar du opp frå Vitnemålsportalen. Har du utdanning frå utlandet legg du ved godkjenning frå Direktoratet for høgare utdanning og kompetanse/NOKUT (https://hkdir.no/utdanning-fra-utlandet). 

Vi satsar først og fremst på folk, og det har gjort oss til etaten med best omdømme i Noreg. Hos oss får du utvikle deg fagleg samtidig som du har god balanse mellom jobb og fritid. Vi veit at dei beste løysingane blir skapte av menneske som trivst både på og utanfor jobb.

Bli med på laget som gjer det enklare å drive verksemd i Noreg, og som leverer dataa som held samfunnet i gang. Nå kan du bli ein av våre 470 kollegaer på Noregs vakraste arbeidsplass.