Administrerende direktør - Statens pensjonskasse

Administrerende direktør for statens pensjonskasse

Statens pensjonskasse (SPK) er ei verksemd under Arbeids- og inkluderingsdepartementet og ein viktig samfunnsaktør i utforminga og forvaltinga av den statlege pensjonspolitikken. SPK har òg sentrale oppdrag for andre departement, mellom anna Digitaliserings- og forvaltningsdepartementet (DFD). SPK har høg måloppnåing både i dagleg drift og utviklingsarbeidet.

Vi søker ein kunnskapsrik, tydeleg og utviklingsorientert direktør for SPK som kan medverke til å vidareutvikle og styrke rolla til SPK i ei tid der pensjonssystemet er i endring. Som leiar for SPK skal du sørge for at verksemda har solid utviklings- og analysekompetanse som støttar opp under regjeringa si politikkutforming på SPK sitt ansvarsområde.

Kvalifikasjonar 

Kva slags bakgrunn har du? 

• Utdanning på masternivå
• God kjennskap til politikkområdet
• God kunnskap om statleg forvalting
• God rolleforståing
• Solid og relevant leiarerfaring frå endrings- og utviklingsarbeid
• Solid pensjonsfagleg kompetanse 

Kven ser vi etter?

• Du har eit sterkt engasjement for pensjonsområdet og evne til å skape resultat utover eiga verksemd.
• Du samarbeider og kommuniserer godt og ope med andre.
• Du evnar å sette retning for utviklingsarbeidet og har god gjennomføringsevne.
• Du er trygg i leiarrolla og har evne til å samle organisasjonen rundt sentrale strategiske mål.
• Du har god heilskapsforståing.

Annan informasjon

Stillinga er eit åremål på seks år med høve til ytterlegare seks år etter kunngjering og søknad. Lønn etter avtale.

Du kan be om å bli unnateken frå den offentlege søkarlista. Dette må i så fall grunngjevast. Vi tek kontakt dersom ønsket ditt ikkje kan innfriast. 

Stillinga krev tryggleiksklarering.

SPK er tenestepensjonsleverandør for staten, for lærarar i kommunal og fylkeskommunal sektor, for enkelte andre verksemder med nær tilknyting til staten og nokre tidlegare statlege verksemder. SPK forvaltar pensjonsrettar på om lag 810 milliardar kroner for kring 1 300 verksemder og 1,2 millionar medlemmar. 

Ulike erstatnings- og kompensasjonsordningar for staten høyrer òg til SPK sitt ansvarsområde. I tillegg forvalter SPK den statlege bustadlånsordninga på vegne av DFD.  

SPK har om lag 470 tilsette og held til på Skøyen i Oslo. 

Sjå www.spk.no for meir informasjon.