Likar du å arbeide med service, sal og avanserte tekniske løysingar for framtidas grøne fartøy?

Bli med oss som Service Coordinator!

ULSTEINS engasjement for innovasjon, pålitelegheit og fornøgde kundar gjer oss til ein partnar å stole på i den maritime industrien. Våre integrerte løysingar gjer det mogleg for skipseigarar å oppnå nye nivå av effektivitet, redusere kostnader og ta betydelege steg mot ei meir berekraftig framtid.

Ulstein Power & Control, er Ulstein Group sitt systemintegrasjon- og serviceselskap, som leverer avanserte og optimaliserte kraft- og automasjonssystem til kundar i inn- og utland.

I rolla som Service Coordinator vert du ein del av eit kunnskapsrikt og innovativt miljø. Stillinga inngår i eit team som er eit sentralt bindeledd mellom kundane våre og tenestene Ulstein Power & Control tilbyr. Du deltek i heile det administrative der mellom anna sal, planlegging og fakturering inngår. Service-teamet er ei viktig og dynamisk avdeling som leverer tenester til nybygg, Retrofit og ettermarknad. Du vil få ein spennande og innhaldsrik arbeidskvardag, i tett samarbeid med dyktige og kjekke kollegaer.

Ulstein Power & Control har hovudkontor i Ulsteinvik, og avdelingskontor ved Moa i Ålesund.

Søknadsfrist snarast, men seinast 08.03.2026

Arbeidsoppgåver

• Kundekontakt, relasjonsbygging og salsfremjande aktivitetar
• Gjennomføre sal og ordrehandtering
• Planlegging av reiseoppdrag inkludert ressursar, utstyr/ komponentar og dokumentasjon
• Prosjektgjennomføring/ sakshandsaming i D365, CRM og ERP herunder også fakturering
• Innkjøp ved behov.
• Medansvarleg for utvikling av interne løysingar
• Noko reiseaktivitet må påreknast
  

Kvalifikasjonar

• Teknisk utdanning, erfaring kan kompensere for dette
• Bransjekunnskap (elektro, automasjon, skipsbygging, drift av/arbeid på fartøy mm)
• Bakgrunn frå maritim bransje som reisemøntør, seglande, prosjektarbeid, engineering eller sal-/ettermarknadsarbeid
• Kjennskap til CRM og ERP-system
  
• Erfaring med digitalisering og datainnsamling kan ver ein fordel
• Gode norsk og engelsk kunnskapar

Personlege eigenskapar

• Engasjert og kreativ
• Strukturert
• God evne til å kommunisere og bygge relasjonar
• Gode samarbeidsevner
• Fleksibel

Vi tilbyr

• Interessante, utfordrande og utviklande oppgåver i eit internasjonalt konsern.
• Eit tverrfagleg fagmiljø som vektlegg personleg og fagleg utvikling, sjølvstende og trivsel.
• Konkurransedyktige lønnsvilkår, ordna arbeidsforhold, og gode pensjons- og forsikringsordningar.

ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen. 

Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise.

Ulstein Power & Control AS tilbyr service og ombygging av kraftpakkar og marine automasjonssystem. Selskapet er ein del av forretningsområdet Design & Solutions, som tilbyr design og løysingar for offshoreenergimarknaden (vind, olje og gass), ekspedisjonscruise og fiskeri.