Har du teknisk innsikt, er god på logistikk og ønskjer å arbeide med mennesker?

Om stillinga

Vi har ledig ein nyoppretta 100% fast stilling som hjelpemiddelteknikar ved hjelpemiddellageret i Alver kommune. Stillinga er ledig fom. 01.05.26. 

Hjelpemiddellageret er lokalisert til Mjåtveit og avdelinga har frå før 3,0 årsverk hjelpemiddelteknikarar tilsett. Hjelpemiddellageret er transittlager for hjelpemiddel frå NAV Hjelpemiddelsentral og fungerer i tillegg som lokalt hjelpemiddellager i Alver kommune med ansvar for kortidsutlån av hjelpemiddel. Hjelpemiddellageret samarbeider med fleire andre tenesteytara i kommuen, bl.a. fysio- ergoterapitenesta, forvaltningskontor, heimetenesta, sjukeheimstenesta, habiliteringstenester og oppvekst. 

Hjelpemiddellageret er samorganisert med Fysio- ergoterapitenesta i kommunen. Fysio- ergoterapitenesta leverer tilbod til heile kommunen og har avdelingskontor på Manger, Frekhaug og i Knarvik. 

Arbeidsoppgåver

• Mottak av hjelpemiddel frå NAV hjelpemiddelsentral
• Montering, utkjøring og innhenting av hjelpemiddel
• Teknisk tilpassing og reparasjon av hjelpemiddel
• Reparasjon og tilsyn av elektromedisinsk utstyr som til dømes elektrisk rullestol, elektrisk seng mv.
• Lagerdrift av hjelpemiddellager på Mjåtveit

Kvalifikasjonskrav

• Fagbrev eller anna relevant teknisk utdannelse (relevant erfaring kan veie opp for kravet til utdanning)
• God teknisk innsikt
• Grunnleggande dataferdigheter
• Gode norskkunnskaper skriftleg og munnleg
• Gode logistikkferdigheiter

• Førerkort klasse B

  Politiattest: I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.

Ønskt kompetanse:

• Førerkort klasse BE
• Arbeidserfaring med tekniske hjelpemiddel

Personlige eigenskaper og forventningar til den som søkjer stillinga

Vi ser etter ein person som kan handtere ein travel arbeidsdag og fysiske arbeidsoppgåver. Du må kunne arbeide systematisk og målretta, både sjølvstendig og i team. Arbeidet krever at du er ryddig og strukturert. Det er viktig at du er serviceinnstilt og god på kommunikasjon, fleksibel og endringsvillig. Vi ønskjer også at du tek initiativ til, og bidreg i forbetrings- og utviklingsarbeid. Vi ønskjer at du bidreg aktivt til eit godt arbeidsmiljø har godt humør og er løysingsorientert.

Personlege eigenskapar vil verte vektlagt ved tildeling av stillinga.

Vi tilbyr

• Spennande, utfordrande og meiningsfylte arbeidsoppgåver innafor eit viktig samfunnsområde 
• Fleksitid
• Tilsetjing i hht gjeldande lov- og avtaleverk
• Løn etter gjeldande tariffavtale
• God pensjonsordning i KLP
• Gratis parkering

Vi er Alver 

Vi får vere der frå aller fyrste stund, og vi får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Alver kommune - Ein spennande organisasjon for engasjerte og kompetente medarbeidarar! 

Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare. 

Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Vi er også stolte av å huse verdas beste korps og vere vertskap for eit rikt kulturliv. 

Vi verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Vi legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.  

Bli med på vårt eventyr i Alver kommune, der vi søkjer etter dedikerte og dyktige menneske som ønsker å vere ein del av vår felles suksesshistorie. Vi ser fram til å ønskje deg velkommen og gi deg ei meiningsfull og givande karriere hos oss.