Einingsleiar Teknisk drift

Vil du vere med å bidra til utvikling av dei kommunaltekniske tenestene i Surnadal kommune?

Teknisk drift har ansvar for tenester innan veg, vatn, avløp, kommunal bygningsmasse, vaktmeister- og reinhaldstenester, brann- og redning, uteområde m.v.

Vi skal tilsette ein leiar som kan motivere og leie ei eining med om lag 40 årsverk og eit årleg brutto driftsbudsjett på nær 90 millionar.

Du er flink til å samhandle og arbeide tverrfagleg for å oppnå gode resultat. Du har lyst til å bidra til utvikling av dei kommunale tenestene, du er nysgjerrig på ny teknologi og du trivst med å motivere og legge til rette for at medarbeidarane dine skal bli enno betre.

Arbeidsoppgåver:

• Overordna ansvar for dei tekniske tenestene

• Økonomisk og fagleg ansvar

• Overordna personalansvar for tilsette i eininga

• Prosjektutvikling og prosjektstyring

• Tverrfagleg samhandling og samarbeid

• Kommunikasjon med andre offentlege myndigheiter, eksterne aktørar og innbyggarane i kommunen

• Kompetanseutvikling i eininga

Det kan bli aktuelt med overtaking av befalsvakt.

Ønska kvalifikasjonar

• Fortrinnsvis sivilingeniør/ingeniør eller anna relevant utdanning på master-/bachelornivå

• Arbeidserfaring frå aktuelle fagområde

• Leiarerfaring og/eller utdanning

• Du er resultatorientert gjennom systematisk arbeid og gode prosessar

• God muntleg og skriftleg framstillingsevne på norsk er viktig med tanke på dialog og dokumentasjon

• Førarkort kl.B
  

Vi kan tilby:

Lønn etter avtale med gode kommunale forsikrings- og pensjonsordningar. 
Eit godt og triveleg arbeidsmiljø.
Flyttegodgjerlse etter reglane i personalplanen og hjelp til å skaffe bustad.

Surnadal kommune ligg på Nordmøre ved foten av Trollheimen og har ca 6000 innbyggjarar. Vi har eit variert næringsliv og barnehage- og skuletilbodet er godt utbygd. Kommunen har eit svært allsidig kultur- og organisasjonsliv. Naturen er flott og variert, med lett tilgang til skog og mark, fjell, fjordar og elver.
Surnadal kommune er ein stor arbeidsplass med eit mangfald av oppgåver og tenester som blir utført av dyktige medarbeidarar. Vi tilbyr varierte og spanande arbeidsoppgåver, trivelege kollegaer og gode pensjonsordningar. Dei 594 årsverka våre er fordelt på mange ulike arbeidsstader, og med forskjellige yrke og kompetanse. Saman har vi eit felles ansvar for å arbeide til beste for innbyggarane våre. Vi ønskjer tilsette som kan vere gode bidragsytarar i utviklinga av dei kommunale tenestene.