Miljøarbeidar, særskilt tilrettelagt avdeling

Åsane vidaregåande skole flytta inn i nye lokale august 2020. Lokala ligg sentralt plasserte mellom Åsane senter og Horisont. Skulen er samlokalisert med offentlig bibliotek, tannhelseteneste, rettleiingsteneste og Åsane og Arna kulturkontor. Ved oppstart august 2026 har vi tilbod til ordinære elevar, deltakarar i vaksenopplæringa, lærlingar og deltakara i fengselsundervisninga. Vi tilbyr opplæring innan helse- og oppvekstfag, teknikk og industriell produksjon, elektrofag, byggfag, salg, service og reiseliv, idrettsfag og påbygg til generell studiekompetanse, i tillegg til opplæring i små grupper for elevar med særskilde behov.

Skolen arbeider ut frå visjonen «sammen gjør vi hverandre gode» og vårt mål er at våre elevar gjennom daglege trivsels- og meistringsopplevingar skal oppnå økt motivasjon og lærelyst, slik at dei er best mogleg førebudd for livet vidare.
Stillingane er på tilrettelagt avdeling for elevar med særskilte behov (HTH - Kvardagslivstrening), der elevane får individuell tilrettelagt opplæring i lita gruppe etter individuell opplæringsplan (IOP).

Under føresetnad om endeleg vedtak i Vestland Fylkeskommune om utviding av tilbodet er det ledig inn til 14 faste stillingar som miljøfagarbeidar i 80-100 % i fast stilling, gjeldande frå 1. august 2026.

Menn vert oppfordra om å søkje.

Arbeidsoppgåver

Vi søkjer engasjerte og fagleg trygge miljøfagarbeidarar til ei spesialpedagogisk avdeling for elevar med samansette og omfattande behov, mellom anna utviklingshemming, autismespekterforstyrringar og store kommunikasjons- og reguleringsutfordringar.

Avdelinga er i utvikling og utviding, og vi ønskjer medarbeidarar som forstår at kvaliteten i den vaksne sin praksis er avgjerande for elevane si meistring, tryggleik og utvikling.

Våre elevar har svært ulike føresetnader for deltaking og læring. For mange er kvardagsfungering og utvikling tett knytt til:
trygge relasjonar
føreseielege rammer
rolege og regulerte vaksne
god tilrettelegging i situasjonen

Arbeidet inneber tett samspel mellom opplæring, omsorg og helsefaglege oppgåver. Vi er tydelege på at dette er eit opplæringsmiljø, der miljøfagarbeidarar spelar ei heilt sentral rolle i gjennomføringa av det pedagogiske arbeidet.

Som miljøfagarbeidar hos oss vil du mellom anna:
arbeide tett med elevar i kvardags- og opplæringssituasjonar
bidra aktivt i gjennomføring av mål og tiltak i IOP
støtte elevar i kommunikasjon, samhandling, aktivitet og medverknad
bidra til tryggleik, regulering og struktur i kvardagen
delta i stell, forflytting, måltid og ADL-aktivitetar der det er nødvendig
samarbeide tett med lærarar, helsefagleg personale og leiing
vere ein aktiv deltakar i fagleg refleksjon og utviklingsarbeid

Kvalifikasjonar

Vi søkjer deg som

har minimum fagbrev som helsefagarbeidar, barne- og ungdomsarbeidar, eller annan relevant fagutdanning
har interesse for – og gjerne erfaring frå – arbeid med elevar med store og samansette behov
forstår at elevens meistring ofte er situasjons- og relasjonsavhengig
er roleg, tydeleg og trygg i møte med krevjande situasjonar
evnar å halde fokus over tid og arbeide systematisk
trivst i lagarbeid og tek rettleiing på ein profesjonell måte
er lærevillig og open for fagleg utvikling

Personlege eigenskapar

Vi legg avgjerande vekt på personlege eigenskapar, og ser etter deg som:
er lyttande, raus og samarbeidsorientert
har gode reguleringsevner
møter elevar med respekt, tolmod og verdigheit
forstår eigen rolle i eit større fagleg system
ønskjer å bidra til eit trygt og utviklande miljø – også når arbeidet er krevjande

Vi tilbyr

arbeid i ei fagleg sterk og tverrfagleg avdeling
tett samarbeid mellom miljøfagarbeidarar, lærarar og helsefagleg personale
rettleiing og støtte i krevjande situasjonar
moglegheit til å vere med og utvikle praksis og felles fagleg språk
eit arbeidsmiljø med vekt på tryggleik, samarbeid og profesjonalitet

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.