Har du erfaring frå høgspentanlegg? Bli vår nye energimontør på Hydro Husnes!

Hydro Husnes ligg ved utløpet av Hardangerfjorden, med gode oppvekstvilkår for born og ungdom. Området kan by på idyllisk skjergard, høge fjell og isbrear, og det er flotte moglegheiter for fritidsaktivitetar både sommar- og vinterstid. Verket er Noregs fjerde største aluminiumprodusent, målt etter årleg produksjonskapasitet på 200 000 tonn elektrolysemetall. Hydro Husnes har omkring 350 tilsette.

Me søkjer ein allsidig operatør til avdeling straumforsyning, som er ein sentral del av den tekniske infrastrukturen ved verket.

Kva tilbyr me?

• Eit godt arbeidsmiljø med takhøgde, støtte og rause kollegaer

• Ei avdeling med høg fagleg kompetanse og dedikasjon

• Gode moglegheiter for fagleg utvikling

• Konkurransedyktige betingelsar

Kva skal du gjere?

Avdeling Straumforsyning har ansvar for drift, vedlikehald og prosjektgjennomføring i det elektriske forsyningsanlegget vårt, som omfattar 300 og 24 kV koplings- og distribusjonsanlegg, samt eit større likerettar- og fasekompenseringsanlegg.
Arbeidsoppgåvene vil blant anna vere:

• Planlegging og utføring av drift- og vedlikehald i heile forsyningsanlegget.

• Vere med på og utføre inspeksjonar, revisjonar

• Vere med på feilsøking og testing

• Deltaking i vedlikehalds- og investeringsprosjekt

• Delta aktivt i forbetringsarbeid i avdelinga

Stillinga vil få utvida ansvar innan planlegging av førebyggjande vedlikehald, revisjonar på utstyr og deltaking i prosjekt.

Kva vil bidra til at du lukkast i stillinga?

Me ser etter deg som har desse kvalifikasjonane:

• Fagbrev som energimontør eller energioperatør

• Erfaring frå drift og vedlikehald av høgspentanlegg i industriverksemd

• Gode samarbeids- og kommunikasjonsevner

• Førarkort for personbil

Du tek ansvar for vedlikehald og ettersyn, og bidreg aktivt til gode resultat i avdelinga. Du arbeider trygt og effektivt, både saman med andre og sjølvstendig, og handterer utfordringar roleg og avbalansert. Du har sterk teknisk kompetanse, utfører rutineoppgåver presist.

Du må og vere villig til å delta i vaktordning og eventuelt som røykdykkar i industrivernet.

Søk før: 22.02.2026

Viss du har spørsmål kan du kontakte:

Leiar:
Fred Nilsen
(Norway +47) 45853909

Rekrutterer
Berit Åkre
(Norway +47) 92227339

En jobb der du betyr noe.

For å lykkes med denne oppgaven er det viktig å legge til rette for et kollegialt miljø der forskjellene våre blir verdsatt som vårt største konkurransefortrinn. Et mangfoldig perspektiv gjør oss sterkere. Vårt globale program for mangfold, inkludering og tilhørighet lar oss utvikle en arbeidsplass med høy ytelse og inkluderende egenskaper der alle føler seg verdsatt.

Karriereutviklingen din er unik. Vi streber etter å gi deg den støtten du trenger for å oppnå ditt fulle potensial. Den globale utstrekningen vår, den inkluderende kulturen og den banebrytende teknologien vi bruker gir deg muligheten til å bygge en karriere i tråd med dine styrker og lidenskaper.

Bli en del av vårt globale konsern med over 30 000 personer, tilstedeværelse i 40 land og med fokus på omsorg, mot og samarbeid. I Hydro har du muligheten til å gjøre en forskjell i bransjer som betyr noe.