Politioverbetjent/politiførstebetjent med funksjon som informasjonskoordinator

Om stillinga

Er du god på å handtere store mengder informasjon og likar å jobbe med system og kvalitetssikring? Har du lyst å jobbe med etterretning? Då er du kanskje vår nye informasjonskoordinator. 

Etterretningsseksjonen i Vest politidistrikt søkjer ny kollega i fast stilling som politioverbetjent eller politiførstebetjent med funksjon som informasjonskoordinator, plassert på politihuset i Bergen. Stillinga ligg under Avsnitt for strategisk etterretning, Seksjon for etterretning i Felles eining for etterretning og etterforskning (FEE). Etterretningsseksjonen har det overordna fagansvaret for etablering og drift av etterretningsfunksjonane i Vest politidistrikt. Seksjonen har også eit sjølvstendig ansvar for produksjon av etterretning, samt koordinering og kvalitetssikring av all etterretningsproduksjon i distriktet. Etterretningsfunksjonen i Vest politidistrikt produserer beslutningsstøtte til strategisk, operasjonelt og taktisk nivå, og medverkar til at politiet jobbar kunnskapsstyrt, målretta og effektivt. Dette gir grunnlag for betre prioritering av politiet sin innsats og disponering av ressursar. 

Etterretningsseksjonen sin informasjonskoordinator har ei sentral rolle i distriktet sin etterretningsproduksjon. Då etterretningsfaget er i sterk utvikling, vil du og medverke til utviklinga av etterretning som fagdisiplin. Du vil samarbeide tett med andre felleseiningar og tenestestader både i eige og øvrige politidistrikt, samt fleire av politiet sine særorgan.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi søkjer ein positiv, kreativ, produktiv og initiativrik medarbeidar som trivst med høgt arbeidstempo. Du må ha særleg interesse for etterretning og analyse, og må kunne arbeide analytisk, effektivt og sjølvstendig. Funksjonen krev at du har gode samarbeidsevner, og likar å jobbe i team på tvers av politiorganisasjonen. Du må vere villig til å delta på studier, kurs og seminar som er relevante for funksjonen, også utanfor Bergen.

Som informasjonskoordinator har du ei sentral rolle i seksjonen sitt ansvar for å formidle informasjon og etterretningsprodukt. Du må derfor trivast i formidlingsrollen, både munnleg og skriftleg, og pårekne ulike oppgåver knytta til både opplæring, foredrag og faglege innlegg.

Som del av stillinga må det reknast med noko arbeid med OSINT (Open Sources Intelligence). Det er derfor ein fordel med kunnskap og kjennskap til korleis søke i opne kjelder, og at du har generelt god IT kompetanse. 

Arbeidsoppgåver

• Sørge for å få kontroll på og handtere (koordinere) informasjon i politidistriktet, både i det daglege og ved kriser, uønska- og ekstraordinære hendingar
• Støtte innhentings- og analyseleiar med prosjektstruktur, utarbeiding og formidling av informasjonsbehov, samt koordinere innhenting
• Gjere oppgåver knytta til politiet sitt etterretningsregister, blant anna administrasjon, opplæring og kvalitetssikring
• Gjere oppgåver knytta til rettidig formidling av informasjon og etterretningsprodukt. Blant anna legge til rette for operativ informasjonsstyring ved å systematisere, presentere og visualisere data fra ulike kjelder, og sørge for god informasjonsflyt og -deling, både lokalt og til andre samhandlande aktørar
• Samhandle med Felles straffesaksinntak (FSI), Operasjonssentralen (OPS), seksjon for førebyggjing, politiråd og politikontaktar, tenestekontor, politipatruljen, samt øvrige interne og eksterne aktørar ved behov
• Nytte ulike teknikkar (søkjeteknikkar, IT kompetanse) for innhenting og søk i opne kjelder
• Delta i arbeidsoppgåver knytta til etterretningsproduksjon og analyse ved etterretningsseksjonen etter behov
• Ulike oppgåver knytta til både opplæring, foredrag og faglege innlegg.
• Andre oppgåver pålagt av overordna

Kvalifikasjonar

For stilling som politioverbetjent:

• Tilfredsstille kompetansekravet for pb3 og ha arbeida innan relevant fagfelt i minimum 5 år. Ved anna relevant bachelor- eller mastergrad kan heile eller deler av kravet fråvikast 

For stilling som politiførstebetjent:

• Tilfredstille kompetansekravet for pb3 og ha arbeida innan relevant fagfelt i minimum 3 år. Ved anna relevant bachelor- eller mastergrad kan heile eller deler av kravet fråvikast

  Felles for begge stillingar:

• Vitnemål frå Politiskolen/Politihøgskulen
• Interesse og motivasjon for å jobbe med etterretning
• God kjennskap til politiet sine datasystem, herunder bruk av Indicia og politiet sine øvrige datasystem som BL og PO
• Evne til å handtere og analysere store datamengder, og sette desse i kontekst
• God data og IT-kunnskap
• God skriftleg og munnleg framstillingsevne
• Du må kunne klarerast for "Hemmeleg"
• Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. Ved å søkje på stilling i politiet samtykkjer ein til at det vil bli gjort ei skikkaheitsvurdering, herunder søk i registre, i forkant av eventuelt intervju
   

Det er også ønskjeleg med:

• Erfaring fra etterretningsverksemd
• Erfaring innan etterforsking
• Relevant utdanning innan etterretning frå Politihøgskolen eller Forsvaret.

Personlege eigenskapar

• Resultatorientert og med god gjennomføringsevne
• Evne til å byggje relasjonar og vere ein god rettleiar og pedagog i høve til kollegaer og eksterne samarbeidspartar
• Evne til analytisk og strategisk tenking
• Strukturert med god arbeidskapasitet, herunder evne til å vere fleksibel, samt jobbe effektivt og systematisk i eit tidvis hektisk arbeidsmiljø
• Engasjert og initiativrik
• Gode samarbeidsevner
• Audmjuk og evne til refleksjon over eigen praksis

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Stillinga vert lønna som politioverbetjent med funksjon som spesialist stillingskode 0287 frå kr 790.000,- brutto per år eller som politiførstebetjent stillingskode 0285 med funksjon som spesialmedarbeidar med årslønn frå kr 720.000,- brutto per år. Vidare lønnsutvikling vil skje i henhold til hovudtariffavtalane i staten.
• Medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• Gode arbeidsvilkår (dagtid, turnus, fleksibel arbeidstid, trening i arbeidstida, o.l) - tilpass ut frå type stilling)

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_WcSlik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.