Lærar/spesialpedagog

Åsane vidaregåande skole flytta inn i nye lokale august 2020. Lokala ligg sentralt plasserte mellom Åsane senter og Horisont. Skulen er samlokalisert med offentlig bibliotek, tannhelseteneste, rettleiingsteneste og Åsane og Arna kulturkontor. Ved oppstart august 2026 har vi tilbod til ordinære elevar, deltakarar i vaksenopplæringa, lærlingar og deltakara i fengselsundervisninga. Vi tilbyr opplæring innan helse- og oppvekstfag, teknikk og industriell produksjon, elektrofag, byggfag, salg, service og reiseliv, idrettsfag og påbygg til generell studiekompetanse, i tillegg til opplæring i små grupper for elevar med særskilde behov.

Skolen arbeider ut frå visjonen «sammen gjør vi hverandre gode» og vårt mål er at våre elevar gjennom daglege trivsels- og meistringsopplevingar skal oppnå økt motivasjon og lærelyst, slik at dei er best mogleg førebudd for livet vidare.
Stillingane er på tilrettelagt avdeling for elevar med særskilte behov (HTH - Kvardagslivstrening), der elevane får individuell tilrettelagt opplæring i lita gruppe etter individuell opplæringsplan (IOP).

Under føresetnad om endeleg vedtak i Vestland Fylkeskommune om utviding av tilbodet er det ledig inn til 5 faste heile lærarstillingar, gjeldande frå 1. august 2026.

Menn vert oppfordra om å søkje.

Arbeidsoppgåver

Vi søkjer ein engasjert og fagleg trygg lærar til ei spesialpedagogisk avdeling for elevar med samansette og omfattande behov, mellom anna høg grad av utviklingshemming, autismespekterforstyrringar og kommunikasjons- og reguleringsutfordringar.

Avdelinga er i utvikling og utviding, og vi ønskjer lærarar som vil vere med å forme eit tydeleg opplæringstilbod der kvaliteten i den vaksne sin praksis er avgjerande for elevane si læring, utvikling og livsmeistring.

Våre elevar har svært ulike føresetnader for læring. For mange er utvikling og meistring i stor grad avhengig av:

trygge relasjonar
føreseielege og tilrettelagde rammer
vaksne som evnar å regulere situasjonar, krav og seg sjølve
målretta og systematisk arbeid over tid

Opplæringa skjer ofte i tett samspel mellom pedagogisk arbeid, omsorg og helsefaglege tiltak. Vi er tydelege på at dette er eit opplæringsoppdrag, samstundes som helse og tryggleik alltid må vere ivareteke på ein profesjonell måte.

Som lærar hos oss vil du mellom anna:

ha ansvar for planlegging, gjennomføring og evaluering av opplæring for elevar med individuelle opplæringsplanar (IOP)
utarbeide målretta og realistiske IOP-ar med vekt på kommunikasjon, samhandling, deltaking og utvikling
rettleie og samarbeide tett med miljøarbeidarar og anna fagpersonell i det daglege arbeidet
bidra til at opplæringa er bevisst, systematisk og forankra i elevane sine føresetnader
delta aktivt i fagleg utviklingsarbeid i avdelinga

samarbeide med PPT, føresette og andre samarbeidspartnarar

Kvalifikasjonar

Vi søkjer deg som

er utdanna lærar/barnehagelærar (barnehage-/grunnskule-/vidaregåande) med relevant pedagogisk utdanning, helst med vidareutdanning innan spesialpedagogikk

har interesse for – og helst erfaring frå – arbeid med elevar med store og samansette behov
har eit relasjonelt og kontekstuelt blikk på læring og utvikling
forstår at elevens meistring ofte er avhengig av kvaliteten i den vaksne sin praksis
er roleg, tydeleg og reflektert i møte med krevjande situasjonar
trivst med lagarbeid og ser på rettleiing som ein naturleg del av lærarrolla

er utviklingsorientert og ønskjer å bidra til å vidareutvikle praksis og felles fagleg språk

Personlege eigenskapar

Vi legg avgjerande vekt på personlege eigenskapar, og ser etter deg som:

Er lyttande, raus og samarbeidsorientert
Har gode reguleringsevner og tåler høg kompleksitet
Evnar å halde fokus over tid
Har respekt for elevane sin integritet og verdigheit
Ønskjer å gjere ein reell forskjell – også når progresjonen er liten og langsiktig

Vi tilbyr

Ei fagleg sterk og tverrfagleg avdeling med høg kompetanse
Eit arbeidsmiljø med fokus på samarbeid, støtte og profesjonell refleksjon
Moglegheit til å påverke utviklinga av eit komplekst og viktig opplæringstilbod
Tett samarbeid mellom lærarar, miljøarbeidarar, helsefagleg personale og leiing
Rettleiing og støtte i krevjande faglege og etiske vurderingar

Lønn etter off. regulativ i samsvar med utdanning og praksis.

Gode forsikrings- og pensjonsordningar.

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.