Ta steget inn i arbeidslivet - bli lærling hos Tolletaten!

Tolletaten har ein ledig læreplass i innhaldsproduksjonsfaget i førebyggingsseksjonen frå august 2026. Som lærling blir du ein del av brukardialogavdelinga, som har ansvar for brukardialogen i Tolletaten.

Samfunnsoppdraget til Tolletaten er å sikre at lover og reglar for grensekryssande vareførsel blir etterlevde. Kvart år kryssar varer for nærare 3000 milliardar kroner Noreg sine grenser, og vi sørger for at dette skjer trygt og riktig. Vi er ein organisasjon i spennande utvikling, og som lærling hos oss får du ein variert og lærerik kvardag med gode kollegaer, tett oppfølging og spennande arbeidsoppgåver. Du vil få høve til å samarbeide med og hospitere i andre seksjonar gjennom læretida.

Hos oss får du opplæring og arbeidsoppgåver innanfor:

• planlegging, gjennomføring og publisering av ulike typar innhald
• bruk av ulike kommunikasjonskanalar og plattformer for publisering av innhald
• arbeid med klarspråk på toll.no og andre digitale kanalar
• redigering og publisering av innhald på toll.no
• forståing av behovet til næringslivet og kva bodskap som skal formidlast
• idéutvikling
• produksjon av ulike e-læringskurs
• produksjon av bilete og videoar - frå idé til sluttprodukt

Vi er opptekne av at du skal lykkast, og at du skal nå alle kompetansemåla i læreplanen!

Vi ønskjer oss ein kollega som har

• fullført og bestått vg1 informasjonsteknologi og medieproduksjon og vg2 medieproduksjon innan august 2026
• vurderinga «god» i både orden og oppførsel i vg1 og vg2
• lite fråvær i vg1 og vg2
• god kompetanse i Office-programvare (Microsoft 365)
• god kompetanse i redigeringsprogram for bilete og video
• god munnleg og skriftleg framstillingsevne på norsk

Det er ein fordel om du har arbeidserfaring frå sommarjobb, deltidsjobb eller liknande.

Vi trur at du kjem til å trivast hos oss dersom du er:

• lærevillig og motivert for å ta fagbrev i innhaldsproduksjonsfaget
• sjølvstendig og liker å ta ansvar
• god til å samarbeide og kommunisere med andre
• strukturert og nøyaktig
• serviceinnstilt

Vi tilbyr:

• ei allsidig opplæring i ei offentleg verksemd
• god oppfølging både fagleg og sosialt av mellom anna lærlingar, faglege leiarar og instruktørar
• brei kompetanseutvikling gjennom varierte og sjølvstendige arbeidsoppgåver
• gode arbeidsverktøy og eigen arbeidsstasjon i ope kontorlandskap
• eit uformelt og inkluderande arbeidsmiljø
• fleksibel arbeidstidsordning og bevegelse i arbeidstida i inntil éin time i veka
• pensjons- og forsikringsordningar i Statens pensjonskasse
• arbeidsstad i Solheimsviken i Bergen med kort veg til offentleg transport

Lønn
Lærlingar blir innplasserte i stillingskode 1362 og blir lønna i samsvar med lønns- og arbeidsvilkåra for lærlingar i staten. Lønn blir utbetalt i ein fastsett prosent av ei begynnarlønn på kr 434 500 per år.

Dersom du er lærling i to år, blir lønna fordelt slik:

• Første halvår får du utbetalt 30 prosent av kr 434 500.
• Andre halvår får du utbetalt 40 prosent av kr 434 500.
• Tredje halvår får du utbetalt 50 prosent av kr 434 500.
• Fjerde og siste halvår får du utbetalt 80 prosent av kr 434 500.

Vi er tilknytte OK stat (samarbeidsorganet for statlege verksemder), som tilbyr støtte til lærlingar gjennom heile læretida med mellom anna samlingar for lærlingar med fagleg og sosialt innhald.

Her kan du lese meir om kva OK stat tilbyr lærlingar i læretida: okstat.dfo.no.

Ønskjer du meir informasjon om å vere lærling i Tolletaten?

Ta kontakt med andreårslærling Kaja Helene Jensrud i HD-avdelinga på telefon 400 37 491 eller e-post Kaja.Helene.Jensrud@toll.no.

Har du andre spørsmål?
Ta kontakt med fagleg leiar i innhaldsproduksjonsfaget Anders Jakobsen på telefon 456 33 700 eller e-post anders.jakobsen@toll.no.

Du kan lese meir om korleis det er å jobbe hos oss, på jobb.toll.no.

Oppstartsdatoen for læretida di vil mest sannsynleg vere i slutten av august 2026.

Krav til søknaden:
Last opp relevante vitnemål og kompetansebevis frå vg1, karakterutskrift for første halvår av vg2 og eventuelle attestar. Du må òg laste opp CV-en din og eit motivasjons-/søknadsbrev der du skriv litt om kven du er, kvifor du ønskjer å bli lærling i Tolletaten, og kva du synest er spennande med innhaldsproduksjonsfaget.

Tolletatens samfunnsoppdrag er å sikre etterlevelse av lover og regler for grensekryssende vareførsel. Vi bidrar til at det skal være lett å gjøre rett, og ved hjelp av etterretning og ny teknologi kontrollerer vi målrettet. Vi tilbyr spennende arbeidsoppgaver i en organisasjon i endring. Etaten har i 2026 en samlet budsjettramme på 2,531 milliarder kroner og i overkant av 1600 ansatte.