Kyrkjeverje/dagleg leiar

Kyrkjeleg fellesråd i Fyresdal søkjer kyrkjeverje/dagleg leiar

Er du ein erfaren og samlande leiar med engasjement for kyrkja si rolle i lokalsamfunnet? Kyrkjeleg fellesråd i Fyresdal sokn søkjer ei kyrkjeverje som kan bidra til å vidareutvikle kyrkja som ei open og inkluderande folkekyrkje i soknet. Dette er ei spanande leiarstilling med eit breitt spekter av ansvarsområde og gode moglegheitar til å påverke og prege kyrkja sitt arbeid.

Som kyrkjeverje vil du leie den daglege drifta av kyrkja si verksemd på fellesområdet. Du vert tilsett av fellesrådet, og fellesrådsleiaren er din næraste leiar. Staben i Fyresdal Sokn er sett saman av sokneprest, kantor, kyrkjetenar og prostidiakon.

Fyresdal er ein eitt-sokns kommune med eitt sokneråd/fellesråd. I soknet er det to kyrkjer, eitt kyrkjelydshus, fire gravplassar og ein minnelund.

Kyrkjekontoret ligg i næringshagen.

Kyrkjeverjestillinga i Fyresdal sokn er ei leiande og særskild uavhengig stilling som er unnateke arbeidstidsordningane, jf. Arbeidsmiljølova kap.10, §10-12, pkt. 1-2. 
Arbeidsveka er på 37, 5 timar. Kompensasjon for ugunstig arbeidstid gjevast i form av ekstra fridagar.

Ansvarsområde

Som kyrkjeverje har du ansvar for å sikre ei velfungerande og berekraftig kyrkjeleg verksemd. Du får ei spanande og variert stilling med overordna ansvar for personale, økonomi, administrasjon og drift av bygningsmassa. I Fyresdal Sokn har vi utvida gravferdshjelp dersom pårørande ynskjer dette. Klokkaroppgåver ved gravferder, gudstenester og andre kyrkjelege handlingar ligg i stillinga. Dette medfører arbeid på sundagar og heilagdagar, samt noko på ettermiddag og kveldstid. Vidare vil du ha tett kontakt med den politiske og administrative leiinga i kommunen. Det å byggje relasjonar og vidareutvikle samarbeid, internt i kyrkja og eksternt, er ein sentral del av rolla.

Vi ser etter ein engasjert og strategisk leiar som kan leggje til rette for vekst, styrke og samhald i kyrkja, og forvalte ressursane på ein berekraftig måte.
Øvre Telemark prosti er del av eit prøveprosjekt for å innføre dual leiing mellom kyrkjeverje og sokneprest. Dei to leiarane deler oppgåver som strategi, budsjett og teamutvikling, basert på kvarandre sine styrker og avgjerdsmynde.

Arbeidsoppgåver

• Bidra til å realisere kyrkja sin versjon "Open og inkluderande", strategi og utviklingsarbeid i ei tid med endringar i kyrkjeleg organisering
• Leie strategi og utviklingsarbeid i ei tid med endringar i kyrkjeleg organisering
• Utvikle tenestetilbodet og den gode servicen til kyrkja sine brukarar
• Vere sekretær for soknerådet/fellesrådet, førebu og fylgje opp vedtak
• Ivareta arbeidsgjevaransvaret for dei tilsette i fellesrådet
• Ha økonomisk og administrativt ansvar for fellesrådet si verksemd
• Ha ansvar for drift og vedlikehald av kyrkjene og gravplassane i Fyresdal Sokn
• Kontakt og hjelp til pårørande i samband med gravferd
• Klokkaroppgåver ved gudstenester og andre kyrkjelege handlingar
• Ivareta eit godt samarbeid med sokneprest gjennom dual leiing
• Ivareta og motivere for friviljug engasjement i kyrkja
• Vidareutvikle den gode relasjonen til Fyresdal kommune og andre samarbeidspartnarar
  

Kvalifikasjonar

Som kyrkjeverje må du ha betydeleg leiarerfaring, herunder erfaring med personalleiing, økonomiansvar og endringsleiing. Det er ynskjeleg med relevant høgare utdanning. Du må forstå kyrkja sitt oppdrag og betydning i samfunnet og kunne vere ein stolt ambassadør for kyrkja i Fyresdal.

Vi trur du vil lukkast i rolla dersom du:

• Har leiarerfaring og kan vise til gode resultat
• Trivst med personalansvar og evnar å skape eit godt og utviklande arbeidsmiljø
• Har kjennskap til økonomistyring og drift av bygg/eigedom
• Er medlem i, har kjennskap og lojalitet til Den norske kyrkja, og Den norske kyrkja sine grunnverdiar
• Har eit sterkt engasjement for kyrkje- og kyrkjelydsliv
• Har erfaring med påverknadsarbeid og dialog med avgjerdstakarar
• Er ein naturleg relasjonsbyggjar
• Kommuniserer klart og godt på norsk, både munnleg og skriftleg (målforma i Fyresdal kommune er nynorsk)

Personlege eigenskapar

Vi søkjer ein leiar som er trygg og til stades, og som trivst med å byggje relasjonar og leggje til rette for godt samarbeid. Du ser moglegheit for utvikling og evnar å inspirere medarbeidarane og brukarane av kyrkja.

Vi ser for oss at du:

• Er målretta, strukturert og kan arbeide innanfor gjevne rammer
• Har stor arbeidskapasitet, er fleksibel, og likar at det skjer mykje
• Evnar å byggje tillit internt og eksternt
• Er utviklingsorientert og engasjerande
• Kan vise og uttrykkje medkjensle og omsorg til pårørande i samband med gravferd, og vere til hjelp for dei gjennom tilbodet om utvida gravferdshjelp
• Har avgjerdsstyrke og gjennomføringskraft
  

Dersom du finn stillinga som kyrkjeverje i Fyresdal Sokn interessant, oppmodar vi deg til å søkje sjølv om du ikkje nødvendigvis oppfyller alle kriteria. Personleg eignaheit vil bli vektlagt.

Stillinga er i utgangspunktet ei 100 % stilling, men vi kan vurdere søkjarar som ynskjer redusert stilling, då utan klokkaroppgåver ved gudstenester.

Vi tilbyr

Kvifor Fyresdal kyrkjelege fellesråd?

• Du får ei spennande og krevjande leiarrolle
• Du får moglegheit til å vidareutvikle og prege kyrkja i Fyresdal Sokn
• Du blir ein del av eit engasjert og kompetent arbeidsfellesskap med dyktige ansatte og frivillige
• Du får ein arbeidsplass der verdiar som openheit, inkludering og fellesskap står sterkt
• Du får jobb i ein kommune der kyrkja står sentralt og har høg aktivitet.
  

Vi tilbyr løn etter avtaleverket for kyrkjeleg sektor (Hovudorganisasjonen KA) og gode pensjons- og forsikringsordningar gjennom KLP. Den som vert tilsett må vere medlem av Den norske kyrkja og kunne leggje fram politiattest. Du må vere innstilt på ein del arbeid også på kveldstid og i helger og høgtider.

Arbeidsstad er pr. i dag Klokkarhamaren 6, 3870 Fyresdal.

Det vil bli utarbeida offentleg søkjarliste, og i den anledning vil vi be om samtykke til offentleggjering. Du har anledning til å bli unnateke frå den offentlege søkjarlista.

Kontaktinformasjon

Berthe Hegglid, Fellesrådsleiar, 99542766, bthegglid@gmail.com

Else Berit Gaaren, kyrkejverje, +47 95159494, else.berit.gaaren@fyresdal.kommune.no

Arbeidsstad

Klokkarhamaren 6

3870 Fyresdal

Nøkkelinformasjon:

Arbeidsgivar: Fyresdal kommune


Referansenr.: 5070411153

Stillingsprosent: 100%

Fast

Startdato: 01.04.2026

Søknadsfrist: 24.02.2026