Bygg framtida med oss- bli lærling i SKL!

Vil du ut i jobb etter skulen- og gjera noko som betyr noko for framtida?

Hos Sunnhordland Kraftlag (SKL) får du meir enn ein lærlingplass. Du blir ein del av laget som produserer fornybar energi og held samfunnet i gang.

Me søkjer lærlingar innan:

• Industrimekanikarfaget

• Energimonørfaget

Arbeidsstad er Matre og/eller Etne(Litledalen). Sjølv om du blir tilsett i Matre i Kvinnherad eller i Litledalen i Etne, reiser du også til arbeidsoppgåver andre stader me har kraftanlegg

Her jobbar me med drift, vedlikehald og bygging av vasskraftanlegg. Du får vera med på ekte arbeidsoppgåver – ikkje berre sjå på.

Kvifor velja SKL:

• Du får praktisk erfaring med moderne teknologi og kraftsystem

• Du lærer av erfarne fagfolk som vil at du skal lukkast

• Du blir del av eit trygt og sosial arbeidsmiljø

• Jobben du gjer er viktig - du er med og lagar rein energi for framtia

Kven er du?

• Du er nysgjerrig, lærevillig og likar å jobba med henda.

• Du trivst med å vera ute i felt og tar ansvar.

• Du vil ha ein framtidsretta karriere med gode moglegheiter.

• Du har fullført VG1 og VG2. 

For fleire opplysningar kan du ta kontakt med;
Raimund Sæle- vedlikehaldsleiar
Telefon: 975 56 129

Tore Storhaug- avdelingsleiar
Telefon: 909 39 434

Kopi av vitnemål og karakter frå siste termin må vera vedlagt søknaden. 

Søknad kan sendast via finn.no eller på jobb@skl.as innan 28.02.2026

Det blir utført bakgrunnssjekk i samsvar med kraftberedskapsforskrifta på den som blir tilbydd stillingen.

Sunnhordland Kraftlag AS (SKL) er blant dei ti største produsentane av rein energi frå vass- og vindkraft i Norge. SKL produserer årleg omlag 3 200 GWh i Vestland og Rogaland fylke. Hovudkontoret er på Stord, med avdelingar i Matre, Kvinnherad og Litledalen, Etne. SKL har stort fokus på vekst innan fornybar energi og har fleire vasskraftverk under bygging og planlegging. SKL eig òg Midtfjellet Vindkraft i Fitjar kommune.