Er du klar for ein unik sesongjobb?

Har du erfaring med matlaging og lyst på ein unik jobb til sjøs?
Me søkjer ein kokekyndig person til Hardangerjakta Mathilde for seglingssesongen mars - oktober 2026!

Hva vi ser etter

Me ser etter deg som:

• Har erfaring med matlaging, gjerne frå storkjøkken, kantine eller tilsvarande.

• Er strukturert, sjølvstendig og løysingsorientert.

• Likar å skapa gode opplevingar.

• Trivst med å jobba på få kvadratmeter, tett på både mannskap og medseglarar.

• Har gode samarbeidsevner og eit godt humør.

• Snakkar og forstår norsk godt.

• Har eit hjarte for historiske seglskuter og tradisjonsformidling.

• Kjenner deg igjen i våre verdiar; truverdig, raus, engasjert.

Ønskja kvalifikasjonar:

• Grunnleggande tryggleikskurs for sjøfolk (STCW tabell A-VI/1-1, 1-2, 1-3, 1-4).

• Passasjer- og krisehandteringskurs.

• Gyldig helseattest frå sjømannslege.

• Gyldig politiattest.

I enkelte tilfelle kan arbeidsgjevar, etter nærare avtale, dekke kostnader til nødvendige kurs.

#sommerjobbivest

Arbeidsoppgaver

Som kokekyndig på Hardangerjakta Mathilde har du hovudansvaret for å laga næringsrik og god kvardagsmat til leirskuleelevar og andre medseglarar. Du vil planleggja menyar, stå for innkjøp og matlaging, og ha ansvar for å halda god hygiene og handtera matallergiar om bord.

Mange av gjestene våre er born og ungdom, så det er viktig at du er trygg og trivst i lag med dei.

Vi tilbyr

Kvifor Hardangerjakta Mathilde?

• Ei unik skute, med unik historie.

• Du blir ein del av eit uformelt og engasjert fagmiljø ved Hardanger Fartøyvernsenter.

• Ingen dagar er like, og du får oppleva Norskekysten frå orkesterplass.

• Minner for livet -- for gjester og mannskap

• Me tilbyr kost og losji om bord under tokt, gode pensjons- og forsikringsordningar, bedriftshelseteneste og velferdsordningar.