Sommarjobb innan energi, miljø og modellutvikling

Som sommarvikar i Sunnhordland Kraftlag (SKL) får du høve til å jobbe i eit av Noregs største produksjonsselskap for fornybar kraft. SKL produserer rein og berekraftig energi frå vasskraft, og vindkraft på land. Vi søkar studentar som vil bli ein del av eit fagmiljø som jobbar med å sikra best mogleg nytting av vass- og vindressursane for og optimalisera straumproduksjonen.

I løpet av sommaren vil du få varierte og praksisnære arbeidsoppgåver, tett knytt til modellutvikling, analyse og digitalisering innan kraftmarknad og fornybar kraftproduksjon. Du vil samarbeide med erfarne kollegaer innan energi, data, elkraft og analyse. Kanskje vil du og ta del i prosjekt som vidareutviklar SKL sine verktøy og metodar.

Utdanningsretning:

• sivilingeniør/ingeniør innafor energi og miljø, fysikk og matematikk, elkraft, kybernetikk og data

Arbeidsoppgåver:

• bidra til utvikling av modellar og verktøy

• prosjektarbeid innan krafthandel og fornybar kraftproduksjon

SKL har eit inkluderande og godt arbeidsmiljø med eit godt velferdstilbod. Arbeidsplassen er sentralt plassert midt i Leirvik sentrum. SKL tilbyr konkurransedyktige vilkår.

SKL verdset eit arbeidsmiljø der menneske med ulik bakgrunn, kulturell forståing og funksjonsvariasjon kan bidra til innovasjon, vekst og verdiskaping. Me oppmodar alle kvalifiserte kandidatar til å søka.

Det blir utført bakgrunnssjekk i samsvar med kraftberedskapsforskrifta på den som blir tilbydd jobben.

Sunnhordland Kraftlag AS (SKL) er blant dei ti største produsentane av rein energi frå vass- og vindkraft i Norge. SKL produserer årleg omlag 3 200 GWh i Vestland og Rogaland fylke. Hovudkontoret er på Stord, med avdelingar i Matre, Kvinnherad og Litledalen, Etne. SKL har stort fokus på vekst innan fornybar energi og har fleire vasskraftverk under bygging og planlegging. SKL eig òg Midtfjellet Vindkraft i Fitjar kommune.