Sjukepleiar og vernepleiar ved Dr. Martens Tvangspost

Spennande stillingar for sjukepleiar og vernepleiar ved Dr. Martens Tvangspost.

Dr. Martens er ein del av Rus- og avhengigheitsklinikken (tidlegare Avdeling for Rusmedisin, AFR) i Helse Bergen. Institusjonen ligg i Ytre Sandviken. Vi gir tilbod om behandling og oppfølging til menneske med rus- og avhengigheitslidingar. Dr. Martens inneheld for tida ein avrusning/kortidspost, samt ein tvangspost. AFR har over 600 tilsette i fleire døgnseksjonar, forskingsseksjon, LAR, poliklinikkar og seksjon Ambulant.

Den tverrfaglege bemanninga i seksjon Dr Martens består p.t av seksjonsoverlege, LIS legar, psykolog, sosionom, sjukepleiar/vernepleiar, fysioterapeut og miljøterapeut.
Avrusing/korttidspost: Sengeposten har 10 sengeplassar, gir tilbod om avrusing og korttidsopphald. Opphaldet består av mellom anna individuell oppfølging, undervisning og gruppesamtalar, samt fokus på fysisk aktivitet.

Tvangspost: Sengeposten har 4 heildøgns sengeplassar, og pasientgruppa er lagd inn på tvangsvedtak etter Helse- og omsorgstjenesteloven §§ 10-2 og 10-3. Overordna målsetting med opphaldet er avrusing, stabilisering samt motivering og tilrettelegging for frivillig behandling etter avslutta tvangsopphald. Dette kan innebere både å hindre akutt, livstruande skade i nær framtid, og på sikt få pasienten rusfri eller inn i eit tilvære med vesentleg lågare rusmiddelforbruk. Det blir lagt vekt på høg grad av individuell tilrettelegging og brukarmedverknad, og tett samarbeid med pårørande og kommunale tenester/andre tenester. Gravide rusmiddelavhengige er ein del av pasientgruppa vår.

Her kan du lese meir om oss

Arbeidsoppgåver

• Fokus på å vidareføre planlagde aktivitetar og gjeremål saman med pasienten, samt miljøterapeutisk arbeid på posten
• Sjukepleiar og Vernepleiar arbeider i tverrfagleg team og følger pasientane tett under innlegging
• Oppgåvene er varierte, og inneheld både tradisjonelle sjuke- og vernepleiaroppgåver, samt miljøterapeutiske oppgåver. Ein arbeidsdag kan bestå av alt frå mottak av nye pasientar, tillaging av medisinar, kartlegging og medisinsk oppfølging, støttesamtalar, pårørandearbeid og ulike aktivitetar med pasientane
• Bidra med undervisning og kunne leie møte med pasientar saman med andre kollegaer
• Samarbeide med andre instansar

Kvalifikasjonar

• Norsk autorisasjon som sjukepleiar eller vernepleiar
• Erfaring frå sjukepleiefagleg arbeid innan somatikk, rus og/eller psykisk helsevern er ein fordel
• Dokumentere i tråd med nasjonale lover og retningslinjer
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad
  

Personlege eigenskapar

• Engasjement og interesse for fagfeltet og pasientgruppa
• Evne til å etablere og stå i utfordrande relasjonar over tid
• Evne til tydeleg og forutsigbar kommunikasjon
• Evne til å arbeide målretta, strukturert og toler å stå i krevande situasjonar
• Evne å samhandle godt med andre
• Bidra positivt til eit fagleg og kollegialt godt miljø
• God fagleg vurderingsevne
• Er fleksibel, løysingsorientert og kan jobba sjølvstendig innanfor rammene
• Opptre profesjonelt i møte med og held seg til Helse Bergen sine etiske retningslinjer i møte med pasientar, kollegagruppe og samarbeidspartar

Vi tilbyr

• Ein arbeidsplass med høg fagleg kompetanse og regelemssig internundervisning
• Fagleg utfordrande og spennande arbeidsoppgåver
• Engasjerte medarbeidarar i ein spennande avdeling med nybrotsarbeid
• Ein utfordrande og lærerik kvardag med fokus på fagleg utvikling
• Lønn i samsvar med gjeldande overeinskomst og gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.