Gaskaboddosaš 50% allaskuvlaoahpaheaddji-/ allaskuvlalektorvirgi

Oanehaččat virggi birra

Sámi allaskuvla ohca allaskuvlaoahpheaddji/ allaskuvlalektora prošektii “Indigenous Digital Storytelling with New Media”. Prošeavtta mihttu lea hábmet sámi mánus- ja filbmabuvttadanoahpahusa digitála historjámuitaleamis, eamiálbmotservodagaid váras.
Mii ohcat dál prošeaktabargi 50% virggis, áigodahkii 01.02.26 – 01.10.27.

Bargoviidodat virggis

- Koordineret, oahpahit ja sensureret oahppofálaldagain
- Doaibmat prošeaktajođiheaddji prošeavttas "Indigenous Digital Storytelling with New
Media".
- Filbmet ja ráhkadit logaldallamiid mat galget geavahuvvot oahpahusas

Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid
mielde

 

Gelbbolašvuođagáibádusat

Virgái ohcat olbmo geas lea vuosttažettiin mastergráda media- dahje filbmasuorggis dahje eará vástideaddji oahpus. Ohccit geain bachelorgráda oktan relevánta bargohárjánemiin ávžžuhuvvojit maid ohcat. Jus ohccis ii lea mastergráda de sáhttá virgáibiddjot allaskuvlaoahpaheaddjin.

Bargovásáhusat filbmaprodukšuvnnas deattuhuvvojit.

Virgái gáibiduvvo dokumenterejuvvon oahpahanfágalašgelbbolašvuohta. Jus ohccis váilu
oahpahanfágalašgelbbolašvuohta, eaktuduvvo háhkat dán gelbbolašvuođa virgáidanáigodagas, Forskrift om ansettelse og opprykk i forsker- og undervisningsstillinger § 3-9.
 

Virgáibidjamis gáibiduvvo ahte bargi hálddaša dárogiela mii vástida unnimusat B1-dási. 
Eurohpá gielaid oktasaš rámmain (CEFR), ja bargi galgá hálddašit eŋgelasgiela bures njálmmálaččat ja čálalaččat.
 

Lea ovdamunni jus bargi hálddaša sámegiela.

Virggis gáibiduvvojit viiddis ovttasbargo- ja geabbilvuođa attáldagat.

 Muđui eaktuduvvojit buorit
gulahallanattáldagat ja dáidu bargat iešheanalaččat.
Gelbbolašvuođagáibádusat leat meroštallon Norgga oahpahusdepartemeantta láhkaásahusas Forskrift til universitets- og høyskoleloven (universitets- og høyskoleforskriften) §:s 3-2 (allaskuvlaoahpaheaddji) ja § 3-3 (allaskuvlalektor) ja Sámi allaskuvlla siskkáldas
njuolggadusain čk. 2.1 ja 2.2

Dás sáhtát gávdnat eambbo dieđuid fágalaš árvvoštallama ja Sámi allaskuvlla virgáidanproseassa birra. 

Dás sáhtát gávdnat eambbo dieđuid oahpahanfágalašgelbbolašvuođa dokumenterema birra.

Mii fállat

Mii fállát earet eará: 

• Virggi mas ovdánahttinvejolašvuođat, viiddis ja máŋggabealat fágabirrasis
• Máŋggabealat čálgofálaldagaid ja heivehahtti bargoáiggi
• Buori bargobirrasa gos alla gelbbolaš bargit iešguđetge fágasurggiin
• Ealli sámegielbirrasa guovddáš sámi guovllus 

Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta. 

Bálká

Virgi bálkáhuvvo Stáhta bálkáregulatiivva mielde, virgekodas:

* Allaskuvlalektor virgekoda 1008

* Allaskuvlaoahpaheaddji virgekoda 1007

Bálká mearriduvvo ohcci oahpu ja bargohárjáneami vuođul.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat.

Ohccit sáhttet gohččot bargojearahallamii ja doallat geahččalanlogaldallama.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus.

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč. ual. 7- 1 (2) gos boahtá ovdan ahte galgá deattuhit dásseárvvu virgáibidjamis.

Virggis lea 6 mánu geahččalanáigi.

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:

• CV 
• Duođaštuvvon oahppo- ja bargoduođaštusat
• Ollislaš listu dieđalaš publikašuvnnain
• Relevánta publikašuvnnat
• Duođaštus oahpahanfágalaš/vuođđo pedagogalaš gelbbolašvuođas
• Eará relevántta duođaštusat, omd bargoduođaštusat jna.
• Bivdit du maiddái almmuhit guokte (2) referánssa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.

Oktavuođadieđut

Eanet dieđuid virggi birra oaččut veahkkegoahtejođiheaddjis Hanna Mattila, hannam@samas.no, tlf. +47 78 44 85 56 dahje goahtejođiheaddjis Risten Ravna Länsman, ristenl@samas.no, tlf. +4778448550