Sommarjobb i skogen

Likar du å jobbe ute, er nysgjerrig på skogbruk eller berre søkjer etter ein sommarjobb. Då har du ein kjempemogelegheit. Skogselskapet i Sogn og Fjordane leiter etter ungdom mellom 15-25 år til sommarjobb i skogen i Gloppen og Nordfjordeid.

Dette er eit sommarjobbtilbod som i hovudsak strekk seg over minst 3 veker. Arbeidsperioden blir avtalt nærmare med Skogselskapet i Sogn og Fjordane.

Potensielle arbeidsområder:

• Sandane/Byrkjelo - Gloppen

• Nordfjordeid - Stad

Hovudoppgåvene for stillinga er:

• Skogrydding

Arbeidsstad vil vere noko spreidt, og ein vil difor vere avhengig av at minst ein i kvar arbeidsgjeng har tilgang på bil.

Løn:

Lønn etter tariff.

Kvalifikasjonar mv.:

Du må like å arbeide ute i all slags vær og sommarjobb kan være fysisk krevjande. Du må komme deg til ein avtalt oppmøtestad på eigenhand. Du vil jobbe saman i eit lag og dykk vil ha ein arbeidsleiar som følgjer dykk opp i det daglege. Arbeidsgjevar vil vere behjelpeleg med overnattingsmogelegheiter og stå for arbeidsutstyr (plantespett, ryddesag, drivstoff etc).

Eit utval av søkarar vil bli kontakta og kan bli bedt om eit intervju eller/og ein feltdag i sin lokale region. Dei som får tilbod om sommarjobb, blir sertifisert gjennom kurs i ungskogpleie med motorryddesag. Kurset vil gå over 3 dagar frå 22. juni (veke 26).

Prosjektleiar JOB:U, Skogselskapet i Sogn og Fjordane er Ruben Rundsveen Bøtun, tlf: 9576 1717

Skriftleg søknad og CV med referansar sendes pr e-post innan 1. mars 2026 til

ruben@skogselskapet.no eller gjennom FINN sin søkeportal.

I søknaden må det stå:

• Fødselsdato

• Heimeadresse

• Dato for når du kan starte, og kor mange veker du ynskjer/kan jobbe

• Relevante kvalifikasjonar (motorsagkurs/førstehjelpskurs/førarkort etc.)

• Tidlegare arbeidserfaring

• Tilgang på bil eller ikkje

Ein ideell medlemsorganisasjon som har hovudbase på Brandsøy ved Florø. Arbeider med informasjonsformidling og godt skogbruk over heile fylket.