Vi søker deg som er mekanikar eller har erfaring frå industri

Prosessanlegget vårt på Engebø er framleis ganske nytt, og vi jobbar saman for å skape ein trygg og effektiv produksjon. Her får du ein fot innanfor i eit framtidsretta og banebrytande mineralprosjekt, med kollegaer som har godt humør, flott utsikt, og innimellom ei god treningsøkt i arbeidstida. 

Som tilsett mekanikar hos oss kan du velge om du ønsker å jobbe femskift eller to skift, alt etter kva som passar deg og din kvardag best.  

Arbeidsoppgåver: 

• Delta i drift og vedlikehald av prosessanlegget. 

• Følge rutinar for HMS og bidra til eit trygt arbeidsmiljø. 

• Bidra i oppgåver som held produksjonen i gang

Kven vi ser etter: 

• Deg som er mekanikar med fagbrev. 

• Deg med industri- eller teknisk erfaring som kanskje ikkje har fagbrev, men ønsker å jobbe mot å ta det.

• Deg som er nysgjerrig, lærevillig og ikkje redd for å ta i eit tak. 

• Deg som held hovudet kaldt og humøret oppe, sjølv når det er litt trøkk.  

• Truck- og krankurs er ein fordel, men ikkje eit krav. 

Du er velkomen til å søke sjølv om du ikkje kjenner deg att i alle desse punkta. 

Vi tilbyr: 

• God opplæring av dyktige kollegaer. 

• Arbeid i eit trygt, inkluderande og profesjonelt miljø. 

• Varierte arbeidsdagar der du får kombinert fysisk arbeid med problemløysing og teknisk innsikt. 

• Moglegheit til å jobbe femskift eller toskift, alt etter kva som passar deg best. 

Tidlegare søkarar er hjarteleg velkomne til å søke på nytt. Søknader blir behandla fortløpande, så det er ingen grunn til å vente med å søke.  

Engebø Rutile and Garnet AS er eit dotterselskap under Nordic Mining ASA. Vi er ei hjørnesteinsbedrift med lokal forankring som driv ei berekraftig, innovativ og viktig mineralutvinning på Engebø i ei av verdas største forekomster av titanråstoffet rutil. I Engebø Rutile and Garnet er vi oppteken av at verdiskapinga skal skje der ressursane er, både når det gjeld å skape lokale arbeidsplassar, utvikle innovative løysingar og bidra i lokalsamfunnet. Folka i organisasjonen er sjølve nøkkelen til å få dette til.