Vil du jobba med det grøne skiftet?

SKL har stadig nye kraftverk under bygging og planlegging, og utvidar økonomiavdelinga med èin ny medarbeidar. Stillinga inngår i administrasjonen til SKL. Arbeidsstad vil vera ved SKL sitt hovudkontor på Stord.

Sentrale oppgåver vil vera:

• Rekneskapsføring  A-Å

• Lønn

• Avstemming, kontroll og periodeavslutting

• Utarbeiding av analysar og rapportering av nøkkeltal

• Vera ein rådgivar for andre avdelingar

Kompetanse:

• Bachelor innan økonomi, rekneskap eller tilsvarande

• Kunnskap og erfaring innan fagområda rekneskap, meirverdiavgift, skatt og lønn er ein fordel

• Fleksibel og løysningsorientert

• Vilje og gode evner til tverrfagleg samarbeid

• Gode IT-kunnskapar, kjennskap til Visma er ein fordel

Me tilbyr ei spennande stilling med gode utviklingsmoglegheiter. SKL har eit inkluderande og godt arbeidsmiljø med eit godt velferdstilbod. Arbeidsplassen er sentralt plassert midt i Leirvik sentrum. SKL tilbyr konkurransedyktige vilkår og gode pensjons- og forsikringsvilkår.

SKL verdset eit arbeidsmiljø der menneske med ulik bakgrunn, kulturell forståing og funksjonsvariasjon kan bidra til innovasjon, vekst og verdiskaping. Me oppmodar alle kvalifiserte kandidatar til å søka.

Sunnhordland Kraftlag AS (SKL) er blant dei ti største produsentane av rein energi frå vass- og vindkraft i Norge. SKL produserer årleg omlag 3 200 GWh i Vestland og Rogaland fylke. Hovudkontoret er på Stord, med avdelingar i Matre, Kvinnherad og Litledalen, Etne. SKL har stort fokus på vekst innan fornybar energi og har fleire vasskraftverk under bygging og planlegging. SKL eig òg Midtfjellet Vindkraft i Fitjar kommune.