Helsefagarbeider i heimetenesta

Er du ein fagleg engasjert helsefagarbeidar som ønskjer ein meiningsfull jobb i eit godt arbeidsmiljø?

Hos oss får du ein variert og lærerik arbeidskvardag, der du får brukt heile kompetansen din – i tett samarbeid med kollegaer og fagpersonar. Me har no ledige stillingar i følgjande avdelingar:

Avdeling nord: Held til på Kvernaland omsorgssenter og har bufellesskap for eldre, dagsenter og heimetenester ute hos brukarane.
Avdeling aust: Held til på Sivdamsenteret på Bryne og gir heimetenester i brukarane sine heimar. Nattpatrulja dekkjer heile kommunen.
Avdeling vest: Held til på Sivdamsenteret på Bryne og har bufellesskap for eldre i tillegg til heimetenester ute hos brukarane.
Me har vår eigen fagutviklar og tilknytte fagressursar som demenskoordinator, kreftkoordinator og ernæringsfysiolog i verksemda.

Ledige stillingar:
100 % fast stilling som helsefagarbeidar
100 % vikariat i eitt år som helsefagarbeidar
Helgestillingar på 14–21 %

Det finst stipendordningar for sjukepleiar- og vernepleiarstudentar.
Det er krav om politiattest for alle områda.

Arbeidsoppgåver

Pleie- og omsorgsoppgåver i brukaren sin heim og i bufellesskap i tråd med vedtak.
Dokumentasjon etter lov og forskrift.
Samarbeid med kollegaar på tvers av faggrupper og på tvers av avdelingar i verksemda.
Brukar- og pårørandesamarbeid.
Rettleiing av elevar og lærlingar.
Turnus med arbeid kvar 3. helg.
Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Kvalifikasjonar

Offentleg godkjenning, helsefagarbeidar/hjelpepleiar.
Erfaring frå heimetenester- og rehabilitering vert vektlagt
God kjennskap til IKT verktøy og dokumentasjon.
Evne og vilje til å tileigna seg ny kunnskap som er nødvendig for arbeidet, for eksempel innan velferdsteknologi og IKT verktøy.
Du er fleksibel til å arbeida på tvers i verksemda.
Du må kunna gjera deg godt forstått på norsk, både munnleg og skriftleg.
Du må ha sertifikat for personbil.
Det er krav om politiattest.

Personlege eigenskapar

• Gode samarbeidsevner, både internt og eksternt, og kunne bidra positivt i jobbfellesskapet
  
• Evne til å kunne arbeide sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må like utfordringar, vere engasjert, løysingsorientert og kunne trekke slutningar
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
  
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen
  
• Personlege eigenskapar vert vektlagd.
  

Vi tilbyr

• Gode pensjonsordningar
• Løn etter tariff/avtale
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid med eit breitt fagmiljø i ein organisasjon i utvikling
  

Der det er lovkrav om det, må politiattest registreres før første arbeidsdag tar til.

Ønsker du å få eit innblikk i vår kvardag sjå filmen vår under her:
https://play.mediaflowpro.com/ovp/16/15GE737L02

"Me skal gjera kvarandre gode" er leveregelen for oss som jobbar i Time kommune. Me er opptatt av å utvikla og forbetra tenestene i lag med innbyggarane, besøkande og næringslivet slik at Time skal vera ein trygg og framtidsretta kommune. Kommunen har ca. 20 000 innbyggarar og ligg midt på Jæren, med Bryne som regionssenter og kollektivknutepunkt for buss og jernbane. Time er ein stor jordbrukskommune og har i tillegg eit variert næringsliv, med flest sysselsette innan industri, varehandel, hotell og restaurant. Det er 1340 årsverk i Time kommune, fordelt på om lag 1800 personar.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.