Ledige vikariat som inspisient på Det Norske Teatret!

Vi har to ledige vikariat fram til sommaren 2026 – eitt med oppstart i november og eitt i januar. Det kan vere moglegheit for forlenging. 

Inspisient 

Ansvarsområde og arbeidsoppgåver 

Hovudoppgåva til inspisienten er å vere administrativ leiar av prøvar og framsyningar. Inspisienten er bindeleddet mellom administrasjonen og teknisk/kunstnarleg personale på dei produksjonane som hen blir tildelt, og skal sørge for at praktisk framdrift i produksjonen blir halden. 

Utdanning og erfaring  

• Høgare utdanning og/eller relevant erfaring frå teater   

• Erfaring som teaterinspisient på større produksjonar vil bli vektlagt 

• God skriftleg og munnleg språkkjensle 

• God datakunnskap  

Personlege eigenskapar 

• God forståing for teaterproduksjon og kunstnarlege prosessar  

• Sjølvstendig og strukturert 

• Løysingsorientert, allsidig, lærevillig  

• Robust og evne til å bevare roen, sjølv i krevjande situasjonar 

 Kvalifikasjonar 

 Vi søkjer ein ansvarsbevisst og innovativ person med gode samarbeidsevner. Du må kunne utarbeide praktiske løysingar innanfor gitte rammer i eit hektisk miljø, og ha evne til å takle raske omstillingar.  

Vi tilbyr  

• Ein spanande og utfordrande jobb i eit hektisk arbeidsmiljø  

• Stor tilgang til kunstnarlege opplevingar 

• God kollektiv pensjons- og gruppelivsforsikring 

• Gunstig ferieordning 

• Lønn etter tariff 

Som inspisient følgjer du prøvar og framsyningar for tildelte produksjonar. Arbeidstida vil variere mellom dag og kveld på vekedagane, og i helga når det er framsyningar.    

 Arbeidsstaden for inspisienten vil variere, og er styrt av kor vi til kvar tid speler teater i Oslo eller på turne. 

 Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søkje. 

Det Norske Teatret har sidan starten i 1913 vakse fram som ein av dei viktigaste og mest særeigne teaterorganisasjonane i Norden. Vi har som mål å vere eit djervt, ope og engasjerande teater dit folk søkjer for refleksjon, oppleving og underhaldning. Det Norske Teatret skal med nynorsk som scenespråk og eit breitt samfunnsengasjement skape nye uttrykk og nå eit stort publikum. 

Det Norske Teatret ligg sentralt i hovudstaden i eit moderne teaterbygg frå 1985 med 3 faste scener.