Funksjonsleiar TSB poliklinikk

Avdeling for rus og avhengighet (ARA) er ei nyoppretta avdeling i Klinikk for psykisk helsevern og rus. Tverrfagleg spesialisert rusbehandling (TSB) til vaksne menneske er vårt tenesteoppdrag, og me har trua på at ved å samla ressursar og kompetanse i ei avdeling vil det bygga ei god og framtidsretta teneste.
ARA består av to døgnpostar - TSB post og Avgiftningspost, samt 3 poliklinikkar - LAR poliklinikk Karmøy, LAR poliklinikk Haugesund og TSB poliklinikk.

TSB poliklinikken har ansvar for utredning og behandling av personar med psykiske lidingar og rusmiddelavhengighet. Poliklinikken arbeidar tverrfagleg og målretta saman med pasienten, og samarbeidar tett med andre delar av spesialisthelsetenesta og kommunale instansar. Me har lokasjonar både i Kopervik og Haugesund.
Det må nevnast at ansvar for legemiddelassistert rusbehandling (LAR) for Haugesund og Karmøy er heilhetleg lagt til dei andre poliklinikkane i avdelinga.

Leiar vil vere sentral i videreutviklinga av behandlingstilbodet i poliklinikken. Me søkjer deg som har høgt fokus på både pasientar og dei tilsette, du likar å leie menneske og prosessar. Du inkluderer og motiverer du dei rundt deg, følgjer opp endringar, og er klar og tydeleg i kommunikasjonen din. Du strekkjer deg for å finne gode løysingar internt, men òg i samråd med andre einingar.

Er du den nye leiarkollegaen vår?
Me tørr å påstå at leiargruppa vår er framoverlente og fagleg dyktige. Kvardagen vår består av godt samarbeid, takhøyde og best av alt - mykje lått og løye.
Søk i dag!

Dersom du har spørsmål relevante for å avklare interesse for stillinga ta gjerne kontakt med avdelingsleiar på telefon.

Kva går jobben ut på?

• Ansvarleg for fagleg utvikling i tråd med nasjonalfaglege retningslinjer
• Bidra til kvalitet og pasientsikkerhet
• Planlegg kompetanseutvikling og internundervisning i både fag og HMS
• Følgje opp nettverkssamarbeid med kommune-/ og spesialisthelseteneste
• Opprettheld partssamarbeid med tillitsvalgtapparat og verneteneste
• Styre drifta innafor vedtatte budsjettrammer
• Ansvar for rekruttering, bemanning og dagleg drift
• Delta i klinisk arbeid

Kva kompetanse er viktig i denne rolla?

• Norsk autorisasjon som lege/psykolog
  
• Helse- og sosialfagleg høgskuleutdanna
• Vidareutdanning innan fagområdet er ein fordel
• Leiarerfaring får området rus og psykisk helse er ein fordel
• Må beherske godt norsk både munnleg og skriftleg
  
• Sertifikat

Kva ser vi etter hos deg?

Hos oss er det viktig at du:

• er god til heilskapleg og strategisk tenkning
• har sterke samarbeidsegenskapar
• kommuniserer tydeleg
• har evne til å prioritera i ein kvardag med varierte problemstillingar
• er strukturert
• har god gjennomføringsevne, men er ydmyk i ditt arbeid
• er ein lojal og trygg leiar/kollega
• har interesse for fag og kvalitetsforbetring

Personlege eigenskapar vil bli vektlagd

Kvifor skal du velje oss?

• Fagleg og personleg utvikling
• Triveleg arbeidsmiljø
• Høgt fagleg nivå
• Deltaking i Helse Fonna sitt funksjonsleiarprogram
• Helse Fonna har eiga godt etablert forskingsavdeling og det blir lagt til rette for forskning.
• Ein arbeidsplass som er ei inkluderande arbeidsliv-bedrift (IA-bedrift)

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

For å bli betre kjend med oss, kan du sjå her www.helse-fonna.no.