Ledig 100% fast stilling som oppmålingsingeniør ved avdeling plan og oppmåling

Om arbeidsstaden

Kommunalavdeling for tekniske tenester er organisert i 6 underavdelingar; plan & oppmåling, prosjekt & utvikling, byggesak & næring, bygg & eigedom, drift  og brann & redning. Me søkjer oppmålingsingeniør i 100 % fast stilling.

Om avdelinga

Plan og oppmåling har totalt 8 årsverk. Avdelinga har mange ulike forvaltningsoppgåver og utviklingsoppgåver. Avdelinga har brei kompetanse og erfarne arbeidstakarar. Me har no eit generasjonsskifte innanfor fagfeltet eigedomslandmåling, og me treng ny erfaring og kompetanse. Har du lyst til å bli med på laget vårt? 
Det er viktig å vera førebudd på framtida og endringar, og me vil halda fram med å vera profesjonell og påliteleg. Sentrale oppgåver er oppmålingsforretningar og matrikkelføring.

Arbeidsoppgåver

• Saksbehandla etter matrikkellova i samsvar med vedtak i Plan -og bygningslova, Eigarseksjonslova m.fl.
• Gjennomføra oppmålingsforretningar få A til Å.
• Vera med å utvikla og vera nytenkjande rundt bruk av oppmålingsutstyr og programvare.
• Vera nysgjerrig på alt frå informasjon i historiske arkiv til morgonsdagens teknologiske utvikling innan fagområdet.
• Rådgje søkjarar og innbyggjarar innan fagområdet.
• Gjennomføra årleg utstyrskontroll.
• Avhengig av bakgrunn og interesse kan ein bistå andre avdelingar i heradet når det er behov.
• Andre oppgåver etter behov.

 Kvalifikasjonar

• Utdanning innan relevante fagområder, helst eigedomslandmåling, geomatikk og eigedom.
• God IKT-kompetanse innan matrikkel/geodata/geografisk informasjon.
• God munnleg og skriftleg fremstillingsevne.
• Førerkort klasse B.
• Autorisasjon som eigedomslandmålar.
• Matrikkelførarkurs.
• Erfaring med bruk av Gisline programvare.
• Kjennskap til utviklingsarbeid innan faget, og digitale prosessar innanfor fagområde plan, bygg og geodata.

Har du god og relevant realkompetanse og erfaring, som ikkje fullt ut oppfyller dei formelle krava til utdanning, kan du bli vurdert som kvalifisert søkjar

Me ynskjer

• At du liker å jobba ute og vera i kontakt med innbyggjarane våre.
• At du er engasjert og liker å halda deg fagleg oppdatert.
• At du kan jobbe sjølvstendig, strukturert og målretta og har god gjennomføringsevne.
• At du har gode samarbeidsevner, er tilpasningsdyktig og har ei fleksibel arbeidsform.

Me tilbyr

• Gode vilkår for fagleg utvikling.
• Eit godt tverrfagleg og sosialt miljø.
• Yrkesskade- og gruppelivsforsikring.
• Fleksitid og gode pensjonsordningar.
• Løn etter kommunalt avtaleverk og elles tilsetjing på vanlege kommunale vilkår.
• Spanande og varierte oppgåver i eit godt tverrfagleg og sosialt miljø.

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 

Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje. 

Me ber om at du lastar opp vitnemål og attestar i søknaden.