Teknisk koordinator

Vi søkjer ein engasjert og strukturert teknisk koordinator til vårt oppdrettsanlegg på Folderøyholmen (Bømlo).

Kveiteoppdrett er ei svært spanande næring med mange ulike og krevjande oppgåver. Har du lyst å vera med på utviklinga til kveiteoppdretten?

Vi ser spesielt etter deg som:

• har teknisk sans, og auga for praktiske løysingar

• ser på HMS som ein naturleg del av kvardagen

• likar å ha oversikt, tek ansvar og er løysingsorientert

• er omgjengeleg og samarbeidsvillig

• trivst med utandørsarbeid i all slags ver

Arbeidsoppgåver:

• delta aktivt i den daglege tekniske drifta på anlegget

• vedlikehald av anlegg, båtar og utstyr

• bidra til kontinuerleg forbetring av den tekniske drifta

• røktararbeid

• delta i utviklingsaktivitetar/prosjekt

Ynskjelege kvalifikasjonar:

• fagbrev i elektro eller automasjon er ein fordel

• gode digitale ferdigheter/IT-kunnskapar

• relevant teknisk erfaring innan fiskeoppdrett er ein fordel

Vi kan tilby:

• nødvendige kurs til stillinga

• kjekke og inkluderande kollegaer

• ein solid jobb i ei framtidsretta næring i eit selskap med store ambisjonar

  
  

Stillinga rapporterer til driftsleiar. Arbeidstida er på dagtid (37,5 t arbeidsveke).

Ta kontakt med driftsleiar Vaidas Zarnauskas tlf. 46377059 eller HMS- og HR- leiar Karina Børnes tlf. 92441066 for meir informasjon.

Tiltreding etter avtale. 

Tubilah AS er ein leiande produsent av oppdrettskveite i Noreg og har etablert seg som ein innovativ aktør i bransjen. Med utvikling av ny teknologi for produksjon i lukka anlegg, har vi to landbaserte tilvekstanlegg i Sogn og eit sjøanlegg på Bømlo.

Vi er i ein spanande vekstfase med ambisjonar om å levera 2 000 tonn kveite innan 2028. Dette krev ei styrka biomasse, fleire konsesjonar, og nye lokalitetar, i tillegg til engasjerte og dyktige kollegaer som vil vera med på denne reisa mot framtida.