Rådgjevar

Er du opptatt av trygge og gode helsetenester? Har du erfaring eller interesse for revisjon, risikostyring og kvalitetsarbeid?
Då vil vi gjerne høyre frå deg!

Seksjonen har ei tverrfagleg samansetjing med tilsette frå ulike helsefaglege bakgrunnar, og arbeider på tvers av heile føretaket. Vi har ansvar for ei rekkje sentrale område innan kvalitet og pasienttryggleik, mellom anna:

• Pasienttryggleik og forbetringsarbeid
• Forbetringsmetodikk og læring på tvers
  
• Melding og oppfølging av uønska hendingar
  
• Legemiddeltryggleik
• Smittevern
  
• Interne og eksterne revisjonar
  
• Tilsynssaker og klagehandsaming
  
• Brukarundersøkingar og brukarmedverknad
  
• Kliniske fagprosedyrar og kvalitetsregister
  
• Miljø og samfunnsansvar

Seksjonen deltek òg i lokale, regionale og nasjonale utviklingsprosjekt.

Arbeidsoppgåver

• Delta i planlegging og gjennomføring av interne revisjonar
• Bidra i risikostyring og risikovurdering
  
• Bistå i arbeid med uønska hendingar og læring på tvers
• Rettleie og følgje opp ulike kvalitetsforbetringsarbeid og prosjekt i organisasjonen
• Bidra i arbeidet med ulike system og verktøy som seksjonen har ansvar for
• Førebu, delta i og koordinere saker til råd og utval som er knytt til pasienttryggleik og kvalitet
• Saksutgreiing og deltaking i ulike utval og prosjekt
• Andre oppgåver som er knytt til ansvarsområde for seksjonen

Kvalifikasjonar

• Relevant kompetanse/erfaring innan revisjonsmetodikk og risikovurdering
• Relevant utdanning og erfaring/kompetanse innan forbetringsmetodikk og frå forbetringsarbeid /prosjektarbeid
• Erfaring frå/kjennskap til spesialisthelsetenesta
• Utdanning og erfaring med metodisk- og systematisk arbeid
  
• Må ha grunnleggjande IKT-kompetanse
  
• Eventuell anna relevant kompetanse og erfaring som kan kompensere for utdanning
  
• Må beherske godt norsk både munnleg og skriftleg
  
• Du bør ha erfaring frå utvikling av rutiner og prosedyrer
  
• Utdanningsretning: Helsefag
  
• Utdanningsnivå: Høgskule/universitet, diplom-/ bachelorgrad/master
  

Personlege eigenskapar

Vi ser etter deg som:

• Arbeider strukturert og systematisk, både sjølvstendig og i team
  
• Er målretta, initiativrik og får oppgåvene gjort
  
• Har god gjennomføringsevne og trivst med ansvar
  
• Kommuniserer tydeleg og godt, både munnleg og skriftleg
  
• Har engasjement for fagfeltet og ønskjer fagleg utvikling
  
• Toler krevjande situasjonar og beheld ro og oversikt
  
• Er samarbeidsvillig, fleksibel og har eit positivt driv

Vi søkjer ein driftig fagperson som likar å finne gode løysingar

Vi tilbyr

• Eit meiningsfullt arbeid i eit fagleg sterkt og engasjert miljø
• Gode høve for fagleg utvikling og deltaking i spennande forbetringsarbeid
• Gode pensjons- og forsikringsordningar
  
• Lønn i samsvar med gjeldande overeinskomst

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.