Konsulent - Engasjement - Vidare drift av og framtidig satsing på skisenter

Om stillinga:

Eidfjord kommune har ledig engasjement i høve vidare drift av og framtidig satsing på skisenter i Sysendalen i Eidfjord kommune.

Du skal arbeida aktivt for å skaffe framtidige drivarar og leggja til rette for at ein kan drifta skisenter frå sesongen 2026/2027, samt leggja grunnlag for ei framtidsretta organisering av driftsselskap.

Du vil vera organisert innunder Sysendalen Skisenter AS med styreleiar som hovudarbeidsgjevar. Styret i Sysendalen Skisenter AS vil verta styrka med fleire styremedlemmer i ein utviklingsfase.

Det er eit ynskje om snarleg oppstart med varigheit på inntil 12 månadar, ulike tilsetjingstilhøve og storleik kan vurderast.

Arbeidsoppgåver:

• Aktivt arbeida med framtidig satsing på skisenter i Sysendalen

• Arbeide for å få på plass framtidige drivarar av skisenter

• Kartleggja interessentar, marknadsmoglegheiter og ha dialog med potensielle investorar

• Dialog med grunneigarar, hyttefolk og innbyggjarar

• Oversikt og avklara løyver for skisenterdrift og leggja til rette for at ein kan drifta skisenter vidare innanfor dagens løyver

• Rapportera til og utføra arbeidsoppgåvene i dialog med styre i Sysendalen Skisenter AS, samt oppfylging gjennom jamlege statusmøte med styreleiar og rådmann

Ynskte kvalifikasjonar:

• Erfaring frå prosessleiing, prosjekt eller utviklingsarbeid

• Fordel med erfaring frå drift av alpinanlegg

• Fordel med høgare utdanning innan økonomi, leiing, marknadsføring eller liknande, solid erfaring kan kompensera for formell utdanning

• God munnleg og skriftleg framstillingsemne

• Førarkort klasse B

• Personlege kvalifikasjonar vektleggjast

Personlege eigenskapar:

• Sjølvstendig og strukturert

• Initiativrik og kreativ

• Høg gjennomføringskapasitet

• Gode formidlingsevner

• Fleksibel

Me tilbyr:

• Sentral rolle i vidare utvikling av Sysendalen

• Fleksibel arbeidstid og stad

• Behjelpeleg med innkvartering

• Ulike tilsetjingstilhøve kan vurderast

Anna info

• Tilsetjing og arbeidsavtale ved Sysendalen Skisenter AS

• Arbeidsspråk er nynorsk

• Arkivsak nr: 25/918

Eidfjord kommune er i spanande utvikling, og er ei aktiv bygd omgitt av flott natur. Me treng fleire med på laget som kan vera med på å skapa vekst og utvikling i kommunen.

Kommunen har gjort vedtak i høve framtida til Sysendalen Skisenter AS der ein ynskjer ei aktiv drift av skisenter som i hovudsak skal eigast og drivast utan 100% kommunalt eigarskap i framtida.

Sysendalen Skisenter består av ein T-heis med tre nedfartar, eit tallerkentrekk med tilhøyrande barneområde og ei varmestove. T-heisen har ein kapasitet på 1200 personar i timen, er 760 meter lang og har ei fallhøgd på 210 meter.

Eit snøproduksjonsanlegg med 18 fastmonterte tårn er òg installert, i tillegg til fire mobile kanoner.