Vil du ha ei nøkkelrolle innan økonomi og rekneskap i eit av Sogns leiiande eigedomsselskap?

Vi søker rekneskapsfører – med utvida rolle innan økonomi og utvikling

Einarsen Eigedom AS er eit av dei største eigedomsselskapa i Sogn og Fjordane. Vi eig og forvaltar ei variert portefølje på over 15 nærings- og bustadseigedomar, inkludert sentrale bygg som Sjøkanten, Bankbygget og Skysstasjonen i Sogndal. I tillegg til forvaltning driv vi også aktiv utvikling av store prosjekt som S37, Billagstomti og Fjordheim - prosjekt som er med på å forme framtida for Sogndal kommune..

No søkjer vi ein rekneskapsfører/økonomimedarbeider som kan ta ansvar for løpande rekneskapsføring, samstundes som du får ei utvida rolle innan økonomiske analysar, prosjektoppfølging og vidare utvikling av selskapet sine rutinar og system. Du blir del av eit lite og engasjert team (vi er i dag totalt 8 tilsette), og rapporterer direkte til dagleg leiar.

Arbeidsoppgåver

• Ansvar for løpande rekneskapsføring (inkl. fakturering, lønn, mva og anna relevant arbeid)

• Utarbeide månadsrapportar og nøkkeltal

• Gjere økonomiske analysar knytt til drift, prosjekt, erverv og utviklingsprosjekt

• Budsjettarbeid og likviditetsoppfølging

• Delta i dialog med bank og andre finansielle aktørar

• Ansvarleg for oppfølging mot revisor

• Bidra til vidare digitalisering og effektivisering av selskapet

• GDPR-ansvar

• Anna førefallande arbeid innan økonomi og administrasjon

Kvalifikasjonar

• Utdanning innan rekneskap, økonomi eller revisjon (bachelor eller høgare)

• Erfaring frå liknande rolle, gjerne frå eigedomsbransjen

• God kjennskap til moderne rekneskapssystem og digitale verktøy

• Strukturert, nøyaktig og sjølvstendig i arbeidsform

• Gode munnlege og skriftlege ferdigheiter i norsk

Vi tilbyr

• Ei sentral rolle i eit selskap i sterk utvikling

• Moglegheit til å påverke både arbeidsmetodar og selskapet si vidare vekst

• Varierte oppgåver som spenner frå rekneskapsføring til prosjektøkonomi

• Konkurransedyktige vilkår og fleksibel arbeidstid

• Trivelege lokale i Sogndal og eit godt arbeidsmiljø

Arbeidsstad: Sogndal
Søknadsfrist: 07.09.2025
Tiltreding: Etter Avtale

Har du spørsmål til stillinga, ta gjerne kontakt med dagleg leiar Frode Einarsen på 90636599 eller frode@einarseneigedom.no.

Einarsen Eigedom er eit familieeigd eigedomsselskap med røter tilbake til 1989. Sidan den gong har me utvikla oss frå ein liten landhandel i hjartet av Sogndalsfjøra til å bli ein sentral aktør innan eigedomsforvaltning og utvikling. I dag vert selskapet leia av andre generasjon i familien, som byggjer vidare på solide verdiar og visjonen om å vere ein påliteleg og framtidsretta samarbeidspartnar.

Me forvaltar og utviklar ein variert portefølje på om lag 30.000 kvadratmeter innan lager, handel, kontor, energistasjonar, bustader og parkeringsplassar. I tillegg driftar og forvaltar me eigedom for eksterne eigarar, noko som styrkar posisjonen vår som ein viktig aktør i regionen.

Gjennom målretta utviklingsarbeid og strategiske investeringar skal me dei næraste åra utvikle ca 10.000 kvadratmeter ny næringseigedom og om lag 300 leilegheiter i Sogn. Samstundes har me ein tydeleg strategi om å kjøpe og investere i nye næringseigedomar som kan styrke porteføljen vår ytterlegare.

Me er opptekne av å skape attraktive og funksjonelle eigedomar som fremjar verdiskaping, aktivitet og trivsel – både for næringslivet og lokalsamfunnet. Vårt overordna mål er å vidareutvikle og byggje ein større eigedomsportefølje med hovudfokus på Vestland, der me kan bidra til berekraftig vekst og utvikling for framtida.