Vil du fremja sikkerheit ved vassdragsanlegg og førebygga skader på menneske, miljø og eigendom?

Sunnhordland kraftlag (SKL) søker ein vassdragsteknisk ansvarleg (VTA) som skal følga opp sikkerheita ved vassdragsanlegga våre. Stillinga inneber fagansvar for dei eksisterande vasskraftanlegga våre og vassdragsanlegg under utvikling og bygging. Det er òg mogleg å vera med og dyrka fram nye prosjekt, og bidra til å definera stillinga sjølv. SKL skal i gang med eit av dei største utbyggingsprosjekta i Noreg innan vasskraft, Blåfalli Fjellhaugen kraftverk, der VTA-miljøet har viktig kompetanse.

Vassdragsteknisk ansvarleg er fagleg ansvarleg for å følga opp lovpålagte krav i damsikkerheitsforskrifta og pålegg frå Noregs vassdrags- og energidirektorat (NVE). Det inneber mellom anna å halda oppdatert internkontrollsystem for vassdragsanlegg. Å sørga for at SKL etterlever krav til planlegging, prosjektering, bygging og revurdering av anlegga er òg del av ansvaret. Som VTA er ein også involvert i vedlikehalds-/rehabiliteringsprosjekt på dammar og vassvegar. VTA rapporterer til administrerande direktør i SKL og inngår i SKL si VTA-gruppe.

Kombinert med ein spennande og sjølvstendig jobb, blir du ein del av det høgt kompetente prosjektmiljøet i SKL.

Me ser etter deg som:

• Har mastergrad/sivilingeniør innan byggfag, evt. teknologi-/maskinfag

• Allereie er godkjent VTA (eit ynskje, men ikkje eit krav)

• Har interesse og engasjement for vasskraft, fornybart, damsikkerheit og/eller omstillinga i energisektoren

• Trivst med ansvar og har eit ønskje om å jobba med prosjekt

• Sett pris på ein arbeidsdag i fjella innimellom

• Jobbar sjølvstendig og strukturert, med høge krav til orden

• Beherskar norsk flytande, både skriftleg og muntleg

   

Hos oss får du:

• Ein meiningsfylt jobb i eit samla og sterkt team, som jobbar på tvers av faggrupper

• Vera ein viktig brikke i gjennomføring av fleire store vasskraftutviklingsprosjekt

• Ei rolle der du får mykje ansvar og får utfordra di eigen faglege kompetanse

• Moglegheit til å påverka overgangen til det grøne skiftet

• Gode personal- og velferdsordningar.

   

Arbeidsstad: Leirvik- Stord, Matre- Kvinnherad eller Litledalen- Etne

SKL verdset eit arbeidsmiljø der menneske med ulik bakgrunn, kulturell forståing og funksjonsvariasjon kan bidra til innovasjon, vekst og verdiskaping. Me oppmodar alle kvalifiserte kandidatar til å søka.
Nyutdanna med interesse for vasskraft blir òg oppmoda til å søka.

Det blir utført bakgrunnssjekk i samsvar med kraftberedskapsforskrifta på den som blir tilbydd jobben.

Sunnhordland Kraftlag AS (SKL) er blant dei ti største produsentane av rein energi frå vass- og vindkraft i Norge. SKL produserer årleg omlag 3 200 GWh i Vestland og Rogaland fylke. Hovudkontoret er på Stord, med avdelingar i Matre, Kvinnherad og Litledalen, Etne. SKL har stort fokus på vekst innan fornybar energi og har fleire vasskraftverk under bygging og planlegging. SKL eig òg Midtfjellet Vindkraft i Fitjar kommune.