Spesialpedagog - 2 års engasjement

Klinikk psykisk helsevern for barn og unge (PBU) gir spesialisert helsetilbod til barn og unge (0-18 år) med psykiske vanskar, og deira pårørande. Stillinga er ved autismeteamet i Spesialpoliklinikken som er lokalisert i det nye barnesjukehuset på Haukeland. Vår seksjon har tre team; nevroteam, autismeteam og konsultasjonsteam.

Vi har 12 psykologspesialistar/nevropsykologar, 2 barnepsykiatrar/barnelegar, 2 psykologar i spesialisering, 4 fagkonsulentar, 2 spesialpedagogar, 3 konsulentar/ sekretærar, spesiallogoped og spesialfysioterapeut hos oss. Vi har stort fokus på korleis vi samhandlar internt og eksternt for å gi best mogleg tenester til våre pasientar.

Vedkommande som får tilbod om tilsetting må legge fram tilfredsstillande politiattest (vandel), jfr Lov om helsepersonell § 20a (gjeld arbeid med barn og utviklingshemma).

Arbeidsoppgåver

• Rettleiing av foreldre, samt rettleiing til fagpersonar rundt barn i alderen 2-6 år med autismediagnose. Oppfølging skjer både poliklinisk og lokalt i barnets barnehage
• Halde kurs for foreldre og fagpersonar om autisme og metodar tilpassa barn med autisme
• Tverrfagleg samarbeid med andre faggrupper om felles pasientar
• Rettleiing til foreldre i aktuelle hjelpetiltak og rettigheter tilknytta autisme
• Journalføring i sjukehusets journalsystem
  

Kvalifikasjonar

• Spesialpedagog eller anna relevant treårig helse- og sosialfagleg høgskoleutdanning med relevant tilleggsutdanning og/ eller master
• Erfaring med barn/personar med autisme
• Erfaring og kjennskap til tilrettelegging og behov barn med autisme har i barnehagen
• Praksis med de pedagogiske verktøy som er anbefalt for pasientgruppa, og erfaring med intensiv oppfølging
• Erfaring med rolla som rettleiar vil bli vektlagt
• Erfaring med å halde kurs vil bli vektlagt
• Må meistre godt norsk både munnleg og skriftleg
• Førarkort kl B. er eit krav

Personlege eigenskapar

Personlege eigenskapar vi ønsker oss for alle medarbeidarar er:

• Medarbeidarar som bidrar til å behalde- og vidareutvikle vårt gode arbeidsmiljø
• Evne til å arbeide systematisk og tverrfagleg for å utvikle heilskaplege behandlingsforløp
• Gode kommunikasjonsferdigheiter og evne til å formidle fagkunnskap på ein forståeleg måte til både fagfolk og føresatte

Vi tilbyr

• Lønn etter avtale
• Fagleg og personleg utvikling
• Gode pensjons- og forsikringsordningar
• Eit aktivt og triveleg arbeidsmiljø med høgt fagleg nivå
• Vi har fadderordning, rettleiing og internundervisning

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.