Muritunet søkjer administrerande direktør

Som administrerande direktør for Muritunet vil du få ei nøkkelrolle i å forme framtida til eit leiande rehabiliteringssenter på Nordvestlandet. Du får ansvaret for å leie den daglege drifta og drive den langsiktige strategiske utviklinga, med eit tydeleg mandat om å realisere ambisjonar om vekst i nye marknader. Dette er ei unik moglegheit til å leie ei kompleks kompetansebedrift med solide tradisjonar og eit sterkt fagmiljø. Vi søkjer deg som trivst i ei dynamisk leiarrolle, der du kontinuerleg vil fokusere på kvalitetsprosessar, innovasjon og utvikling for å styrkje livskvaliteten for pasientane våre og fremje deira samfunnsdeltaking.

Stillinga rapporterer til styret i Muritunet, og har arbeidsstad ved senteret i Valldal og ved dagsenteret på Moa.

Ansvarsområder

Som administrerande direktør vil du få eit overordna ansvar for å

• å leie og vidareutvikle ein kompleks organisasjon i tråd med selskapet sin strategi og overordna mål

• sikre ei sunn og effektiv økonomisk styring og kontroll av verksemda

• leggje til rette for og aktivt fremje forsking, innovasjon og fagleg utvikling i heile organisasjonen

• styrke og vidareutvikle samhandlinga med Helse Midt-Norge RHF og andre strategiske samarbeidspartnarar

• byggje og pleie gode relasjonar med eigarar, brukarorganisasjonar, offentlege instansar og andre relevante aktørar

• utvikle og forankre organisasjonskulturen

• sikre eit godt samarbeid med pasientar, deira pårørande, tillitsvalde og vernetenesta.

Kvalifikasjoner

Vi søkjer ein trygg, tydeleg og samlande leiar som byggjer tillit og sterke relasjonar, inspirerer medarbeidarane sine og utviklar ein lærande, inkluderande kultur. Du er strategisk og marknadsretta, identifiserer deg med visjonane og verdiane våre, og ser kvar enkelt medarbeidar. Du er i tillegg ein erfaren endringsleiar som evnar å drive fram kontinuerleg utvikling og leie organisasjonen trygt og effektivt gjennom naudsynte organisasjonsomstillingar.

Vidare ser vi for oss at du har

• høgare relevant utdanning på minimum masternivå

• solid leiarerfaring på strategisk nivå frå komplekse organisasjonar

• har forståing for samfunnsoppdraget og dei rammevilkåra som følgjer med rolla

• dokumenterte resultat frå strategi- og endrings-/utviklingsprosessar, gjerne med erfaring frå helsesektoren

• god økonomisk forståing

Kvifor Muritunet?

• Ei nøkkelrolle med stort strategisk handlingsrom og reell påverknad på Muritunet si vidare retning og utvikling.

• Du får leie dedikerte fagfolk og posisjonere Muritunet som ein sentral samfunnsaktør – ei rolle som gjev unike moglegheiter til å skape varige resultat for enkeltmenneske og samfunn.

• Verdibasert og pasientfokusert – raus, grensesprengande, styrkande.

• Sterkt tverrfagleg fagmiljø med aktiv FoU-satsing.

Søknadsfrist: Snarest – søknader blir vurdert fortløpande.

Ønskjer du meir informasjon om stillinga?

Ta kontakt med vår rekrutteringspartner HAMNØY ved rådgivarane

• Jan Tore Hamnøy, tlf. 411 02 200

• Sarya Aydilek, tlf. 908 06 003

Registrer og send inn CV og søknad snarast, og hugs å leggje ved alle relevante attestar og vitnemål. Rekrutteringspartnaren vår handsamar alle førespurnader fortruleg – òg overfor Muritunet i den innleiande fasen dersom det er ønskjeleg.

Tiltreding etter avtale.

Muritunet AS er det største og mest framtidsretta rehabiliteringssenteret på Nordvestlandet. Med ein klar visjon om å styrke livskvaliteten og opne dører for auka samfunnsdeltaking for kvar enkelt pasient, leverer vi spesialiserte rehabiliteringstenester av framifrå kvalitet. Muritunet er eit ideelt aksjeselskap med hovudsete i naturskjønne Valldal og ei moderne dagavdeling med poliklinikk på Moa i Ålesund, etablert i 2018. Sidan oppstarten i 1994 har meir enn  25 000 pasientar fått helsehjelp hos oss. Vi er stolte av å vere ein hjørnesteinsinstitusjon i Valldal og ein viktig del av det samla helsetilbodet i regionen. Hos Muritunet dyrkar vi eit inspirerande, tverrfagleg og inkluderande arbeidsmiljø og er stolte av den høge faglege kompetansen blant våre tilsette.

Les mer om Muritunet her