Lærar/spesialpedagog

Åsane vidaregåande skole flytta inn i nye lokale august 2020. Lokala ligg sentralt plasserte mellom Åsane senter og Horisont. Skolebygningen inneheld mange forskjellige interesseområde i tillegg til vidaregåande skole. Blant anna bibliotek, tannhelseteneste, rettleiingsteneste og Åsane og Arna kulturkontor. Ved oppstart august 2022 har vi ca. 1500 elevar, deltakarar i vaksenopplæringa og i fengselseopplæringa. Vi tilbyr opplæring innan helse- og oppvekstfag, teknikk og industriell produksjon, elektrofag, byggfag, salg, service og reiseliv, idrettsfag og påbygg til generell studiekompetanse i tillegg til opplæring i små grupper for elevar med særskilde behov.

Skolen arbeider ut frå visjonen «sammen gjør vi hverandre gode» og vårt mål er at våre elevar gjennom daglege trivsels- og meistringsopplevingar skal oppnå økt motivasjon og lærelyst, slik at dei er best mogleg førebudd for livet vidare.
Stillingane er på tilrettelagt avdeling for elevar med særskilte behov (HTH/HTA - Kvardagslivstrening/Arbeidslivstrening), der elevane får individuell tilrettelagt opplæring i lita gruppe etter individuell opplæringsplan (IOP).

Det er ledig opptil 2 faste heile lærarstillingar, gjeldande frå 1. august 2025, eller så raskt som mogleg etter det.
Menn vert oppfordra om å søkje.

Arbeidsoppgåver

Læraren vil ha ansvaret for å utarbeide individuell opplæringsplan (IOP) for kvar elev og gje opplæring i henhold til denne. Hovudfokuset i opplæringa er på emosjonsregulering, tryggleik, kommunikasjon, sjølvstende, sosial kompetanse og elevmedverknad.Undervisninga er strukturert i grupper på 4 elevar med bemanning av lærar og miljøfagarbeidarar. Ein brukar ulike arenaer både inne og ute. Opplæringssituasjonane består av både gruppeundervisning og individuell undervisning der målet er at elevane skal tileigne seg ferdigheiter slik at dei får best mogleg føresetnader for å meistre kvardagen med utgangspunkt i eige funksjonsnivå.

Kontaktlærarfunksjon kan bli tillagt stillinga. Dette inneber å leie si undervisningsgruppe, koordinere bemanninga i gruppa og samarbeid med foresatte og ulike instansar knytt til den enkelte elev.

Kvalifikasjonar

Den som vert tilsett i stillinga må ha pedagogisk utdanning og relevant utdanning frå høgskule eller universitetsnivå. Spesialpedagogisk kompetanse vil bli særleg vektlagt.Det vil òg bli særleg vektlagt at søkjaren har relevant praksis frå tilsvarande avdeling/elevar med utviklingshemming, i autismespekteret og/eller andre diagnosar og har erfaring i bruk av ASK (Alternativ Supplerande Kommunikasjon).

For å bli tilsett i skulen må søkjar legge fram godkjent politiattest.

Til alle undervisningsstillingar er det krav om relevant fagleg og pedagogisk kompetanse, jfr. opplæringslova.

Alle faste nytilsettjingar i Vestland fylkeskommune blir gjort med 6 månader prøvetid.

Personlege eigenskapar

Vi ynskjer at den tilsette skal ha god evne til positiv relasjonsbygging, vere tydeleg, sjølvstendig og fleksibel og vere robust, stabil og lærevillig.

Vi tilbyr

Eit godt arbeidsmiljø med gode kollegaer.

Lønn etter off. regulativ i samsvar med utdanning og praksis.

Gode forsikrings- og pensjonsordningar.

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.