Vestlamell søkjer produksjonsleiar med nase for tre og kvalitet

Om stillinga:

Har du sans for kvalitet, folk og god produksjonsflyt? Vestlamell søkjer deg som kan halda oversikt, delta i produksjonen – og få maskinar og menneske til å dra i lag.

I denne jobben treng du ikkje vera stand-up-komikar, men ei viss evne til å prata med både kollegaer og kundar kjem godt med.

Antan du har lang fartstid innan trelastfaget eller kjem frå ein annan bransje, er det plass til deg som likar å gjera ting skikkeleg

Nyfiken? Les omvendt jobbintervju her! https://www.vestlamell.no/ledige-stillingar

Kvardagen din går ut på å:

• Planleggja, prioritera og leia dagleg produksjon

• Delta i produksjonen

• Følgja opp ordrar og kvalitetsrutinar

• Sørgja for tryggleik, struktur og HMS

• Vera pådrivar for utvikling: Me veks, og rett person kjem til å bidra i denne prosessen

Kven er du?

Du vil trivast god hjå oss om du:

• er hyggjeleg og nysgjerrig, og likar å arbeida med både folk og maskinar

• ønskjer å vera med og utvikla deg sjølv, teamet og produksjonen

• kan kommunisera godt med kollegaer og kundar

Dette får du hjå oss

Me tilpassar opplæringa, og du er inkludert frå dag éin. I tillegg tilbyr me:

• Eit triveleg, kompetent og lærande arbeidsmiljø, også gjennom bransjenettverket Norske Trevarer

• Ein arbeidsgivar som heiar på initiativ og forbetringar

• Fagleg utvikling og vidareutdanning

• Pensjon på 4 %

Vestlamell er ein norsk trevareprodusent med over 40 års erfaring. Me held til på Sand i Ryfylke, der me produserer komponentar i furu, eik, accoya og ask for kvalitetsbevisste vindus- og dørprodusentar over heile landet.

Du finn skreddarsydde trekomponentar frå Vestlamell i alt frå arkitektteikna bustader og hytter, til restaurerte bygardar og spesialbygg. Me er for tida fem tilsette, og ser nå etter ein ny kollega som vil vera med i utviklinga av Vestlamell.