Økonomi- og finansdirektør

Er du ein strategisk leiar til å leie utviklinga av økonomi- og finansområdet i Helse Fonna HF?

Helse Fonna søkjer ein ambisiøs økonomi- og finansdirektør med sterke strategiske evner. Saman med leiarar og medarbeidarar i heile helseføretaket vil du utvikle og arbeide for å sikre ei framtidsretta spesialisthelseteneste for befolkninga. Med på laget har du 30 dyktige og engasjerte medarbeidere.

Som direktør vil du vera ansvarleg for å vidareføre og vidareutvikle denne funksjonen, styrke arbeidet med utvikling av verksemdsdata og strategisk økonomistyring. Økonomiavdelinga har i dag ansvar for budsjett, lønn, rekneskap og styringsdata.

Helse Fonna ønsker å vere eit offensivt og framtidsretta føretak som er ambisiøse på vegne av pasientane og tilboda som gis. Føretaket vil, som dei andre helseføretaka i landet, vere avhengig av å ta i bruk nye IKT løysingar, bidra til høg grad av digitalisering og å nytte teknologi rett for å møte behova i framtida.

Er du klar til å ta steget inn i ei nøkkelrolle i ei av dei viktigaste verksemdene i regionen? Då håper vi du søkjer på stillinga.

Kven ser vi etter?

For å lykkast må du ha relevant høgare utdanning, fortrinnsvis på masternivå eller tilsvarande erfaring. Du må i tillegg ha relevant leiarerfaring frå komplekse organisasjonar i privat eller offentleg sektor.

Økonomi- og finansdirektør har ansvar for saksførebuing til styret og eigar. Du vil ha eit tett samarbeid med administrerande direktør og resten av toppleiargruppa.

Du får ansvar for korrekt og påliteleg finansiell rapportering, og må ha full oversikt over den økonomiske utviklinga i helseføretaket.

Du har god gjennomføringsevne, og kan skapa tillit internt og i samarbeidet med eksterne aktørar. Som leiar motiverer og inspirerer du dine tilsette til å skapa eit godt arbeidsmiljø og levere gode tenester.

Du har stor arbeidskapasitet, trives med samarbeid og evner å etablerer gode relasjoner til dine medarbeidare og dei du samarbeider med.

Vi tilbyr

Vi tilbyr spennande og utfordrande arbeidsoppgåver i eit helseføretak med dyktige leiarar og medarbeidarar.

Du blir del av eit dyktig og svært kompetent team innanfor ein kompleks kompetansevirksomhet, med gode moglegheiter til å påverke og utvikle føretaket vidare, saman med styret, leiarar og medarbeidarar.

Du vil vere ein viktig bidragsytar i arbeidet med å utvikle tenesta på heile Vestlandet, i tett dialog med dei andre helseføretaka og det regionale helseføretaket.

Du kan be om å ikkje bli ført på den offentlege søkjarlista. Dette må du i så fall grunngi. Vi kontaktar deg dersom ønsket ditt ikkje blir teke til følgje.

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

For å bli betre kjend med oss, kan du sjå her www.helse-fonna.no.