100% stilling som sakshandsamar ved tildelingskontoret, avdeling forvaltning og koordinering, Helse og omsorg

Ledig fast 100% stilling som sakshandsamar ved tildelingskontoret - Avdeling for forvaltning og koordinering i Helse om omsorg.

Er du helsefagarbeidar, sjukepleiar, spesialsjukepleiar, vernepleiar, ergoterapeut, fysioterapeut, sosionom, barnevernspedagog eller innehar ei anna helsefag-relatert utdanning som kan passa inn i eit tverrfagleg team ved tildelingskontoret i Ullensvang kommune, så er det deg me søkjer!

Tildelingskontoret er kommunen sitt forvaltningsorgan for tildeling av helse- og omsorgstenester. Tenesta har ansvar for å bistå og rettleie innbyggjarane, handsama søknader, kartlegge behov og utarbeide einskildvedtak om helse- og omsorgsteneter etter gjeldande lovverk. Tildelingskontoret skal kunne gje råd og rettleiing, og skal ivareta eit heilskapleg og samordna tilbod til brukarar i alle aldrar. Brukarmedverknad, rettstryggleik, likebehandling og forvaltning av kommunen sine ressursar står sentralt. Som sakshandsamar vil du få spanande, fagleg og personleg utfordrande oppgåver, i eit tverrfagleg arbeidsmiljø.

Avdeling for forvaltning og koordinering omfattar kreft-/ og demenskoordinator, merkantil teneste, vikarbase og koordinerande eining - i tillegg til tildelingskontor.

Arbeidstid er 37,5 t/veke

Oppstart etter avtale

Arbeidsoppgåver:

• Sakshandsame og utgreie søknader om helse- og omsorgstenester. Dette inneber kartlegging av behov, vurdering og prioritering av aktuelle søknadar, samt utarbeide og fatte einskildvedtak om helse- og omsorgsteneter etter gjeldande lovverk.
• Ta initiativ til og gjennomføre samarbeidsmøter i saker der det vert vurdert hensiktsmessig, både internt i kommunen og på tvers av helsetenester og nivå.
• Telefonrettleiing  til søkjarar og pårørande om kommunen sine tilbod og tenester, samt medverke til å ivareta eit heilskapleg og samordna tilbod til brukarar i alle aldrar.
• Bidra til auka fokus på helsefremmande tiltak.

Kvalifikasjonar for stillinga:

• Helsefagleg utdanning
• Erfaring fra kommunal omsorgsteneste
• Sakshandsamarerfaring med god kjennskap til helse- og omsorgstenestelova er ynskjeleg, men naudsynt opplæring vil bli gitt.
• Krav til norsk framstillingsevne. Minimum B2 munnleg og skriftleg.
• Gode dataferdigheiter er ein fordel
• Førarkort klasse B, og eigen bil
• Politiattest nyare enn 3 månader må visast før oppstart

Personlege eigenskaper:

• Gode kommunikasjons- og samarbeidsevner
• Er tydeleg og resultat- og utviklingsorientert
• Sjølvstendig og ansvarleg
• Jobbar strukturert, tek initiativ og har god gjennomføringsevne
• God på relasjonsbygging og bidreg til eit godt arbeidsmiljø
• Er trygg på deg sjølv, då kvardagen til tider kan være krevjande der ein arbeider etter politiske vedtekne rammer, forventningar frå brukarar og pårørande, tilsynsmyndigheter og leiing
• Personlege eigenskapar vert vektlagt

Vi tilbyr:

• Lønn etter hovedtariffavtalen
• Spennande arbeidsoppgåver og utviklingsmogelegheiter
• Godt arbeidsmiljø
• Avtale om køyregodtgjersle
• Fleksitid
• Ullensvang kommune har inkluderande arbeidsliv(IA), gode permisjons- og pensjonsordningar

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/

Link til søknadsskjema: Søk her