Fagarbeidar - kyrkjegardsdrift

I dei fire sokna på Bømlo er det ledig 2 100% stillingar som fagarbeidarar. Oppstart så snart som råd eller etter avtale.

Bømlo kyrkjelege fellesråd har ansvaret for gravplassane i Bømlo kommune. Gravplassane er i tillegg til å vera grav- og sørgjestadar viktige parkområder for kommunens innbyggjarar. Det er eit mål å stelle gravplassane slik at det blir ein kjær stad å komma til. Til dette treng me dyktige arbeidarar.

Arbeidsoppgåver:

• Praktisk tilrettelegging med opning og lukking av grav og urnegrav
• Generell kyrkjegardsdrift og skjøtsel av grøntanlegg
• Stell av graver med stellavtalar
• Noko arbeid med gravstøtter
• Deltaking i vidareutvikling av gravplassverksemda på Bømlo
• Andre oppgåver etter avtale

Kvalifikasjonar:

• Fagbrev som anleggsgartnar eller tilsvarande, relevant erfaring frå grøntanlegg eller maskinbruk kan kompensere for manglande utdanning
• Kompetansebevis for gravemaskin er ynskjeleg (kan bli aktuelt å dekkje om rett søkjar)
• Førarkort klasse BE er ynskjeleg (kan bli aktuelt å dekkje om rett søkjar)
• Tilfredsstillande dataferdigheiter

Eigenskapar:

• Praktisk anlagt og liker å jobbe ute
• Initiativrik, sjølvstendig og fleksibel
• Gode samarbeidsevner og god arbeidsmoral
• Fysisk utholdande

Me tilbyr:

• Tariff lønn etter avtaleverket i kyrkjeleg sektor
• Bedriftshelseteneste
• Godt arbeidsmiljø og trivelege kollegar
• Noko fleksibilitet knytt til arbeidstid
• Mogelegheita til å vera med å forma eiga stilling
• Personleg utvikling og kompetanseheving
• Variert arbeidskvardag

Anna

• Personlege eigenskapar vil bli vektlagt

Kyrkjegardsdrifta på Bømlo ynskjer å vera nytenkjande og me er i ei omorganiseringsfase som gjer at me i tida som ligg føre vil utvide med fleire robotklypparar på kyrkjegardane på Bømlo. 

Bømlo kyrkjelege fellesråd har ca. 11 årsverk. Største deler er tilsette knytt til den kyrkjeleg verksemda som kyrkjelydspedagogar, kantorar, diakon og andre tilsette i små kyrkjelege stillingar. Bømlo kyrkjeleg fellesråd er gravplassmynde i Bømlo kommune og har ansvaret for alle gravplassane i kommunen. Dette utgjer 10 gravplassar.