Fotballklubben Voss søkjer etter ny medspelar

Fotballklubben Voss søkjer etter ny medspelar!

Fotballklubben Voss har over 100 år med fotballhistorie å forvalte, og er kjend som ein tradisjonsrik klubb i Hordaland med ca. 550 aktive spelarar. Klubben held til på eit flott anlegg i Prestegardsmoen og er eigar av to kunstgrasbanar og brukar av 2 grasbanar. I 2023 flytta me inn i nye Voss Idrottshus plassert midt i anlegget, og kan byggje klubben vidare derifrå, med fotballen som næraste nabo.

Fotballklubben Voss er sertifisert som Kvalitetsklubb nivå 1 og ynskjer å vidareutvikla det breide og gode aktivitetstilbodet me har i dag. . I 2016 starta klubben opp Fotballfritidsordning (FFO) gjennom NFF sitt samarbeid med Telenor – Telenor Xtra FFO. Gjennom åra har ein auka deltakarar frå 50 til over 100 born i veka. Tilbodet er for born frå 3.-7. klasse, 4 dagar i veka (måndag til torsdag).

Me søkjer no ein person som kan fylle rolla som «Pedagogisk leiar FFO og Sportsleg leiar barnefotball»

Stillinga er 2-delt, som pedagogisk leiar for FFO vil du m.a. vera ansvarleg for planlegging, innhald og gjennomføring av tilbodet, samt ha personalansvar for dei andre instruktørane. Som sportsleg leiar i barnefotballen vil du mellom anna ha hovudansvar for å følgje opp grupper, lag og trenarar. Vidare vil du saman med Sportsleg leiar ungdom- og senior, vera med på å skapa den «raude tråden» i fotballaktiviteten i FBK Voss.

Kvalifikasjonar

• Brennande interesse for fotball og frivilligheit
• Relevant pedagogisk utdanning

Erfaring kan vega opp for manglande utdanning 

• Minimum NFF Grasrottrenarutdanning (UEFA C-lisens) eller starte/fullføre denne utdanninga snarast mogleg
• Du må kunna kommunisera godt på norsk, både munnleg og skriftleg
• Krav til gyldig politiattest

Personlege eigenskapar

• Initiativrik, strukturert og tydeleg.
• Gode kommunikasjons- og samarbeidsevner.
• Utadvendt og relasjonsskapande.
• Stor arbeidskapasitet.
• Brennande engasjement for å skape aktivitets- glede og meistring hjå born

Personlege eigenskapar vert vektlagt!

Sentrale arbeidsoppgåver, lista er ikkje uttømmande

FFO:

• Planlegging, gjennomføring, evaluering og vidareutvikling av tilbodet
• Oppfylgjing av deltakarar og foreldrekontakt
• Personalansvar og oppfylgjing av instruktørar
• Budsjett og økonomistyring (i samarbeid med økonomiansvarleg/DL)
• Sportsleg leiar barn
• Hovudansvarleg barnefotball, mellom anna oppfølging, lag, grupper og trenarar 6-12 år
• Andre administrative oppgåver i klubbdrift då særleg knytt mot barnefotball  

Stillinga vert utlyst som ei 100 % fast stilling

Løn og tiltreding etter avtale

Spørsmål kan rettast til;

Styreleiar i FBK Voss: Roger Hovland, telefon 913 75 009

Dagleg leiar i FBK Voss; Hallgeir Finbråten, telefon 951 71 488

Søknadsfrist: 05.01.2024